काठमाडौं । स्पेनिस ला लिगा फुटबलमा बार्सिलोनाले सहज जित निकालेको छ ।
शनिबार राति भएको खेलमा बार्सिलोनाले काडिजलाई ४-० गोल अन्तरले हराएको हो ।
बार्सिलोनाको जितमा फ्रान्की डी योङ, रोबर्ट लेवान्डोस्की,अन्सु फाती, ओसुमाने डेम्बेलेले एक एक गोल गरे ।
खेलको ५५ औं मिनेटमा फ्रान्कीले गोल गर्दै बार्सिलोनालाई सुरुआती अग्रता दिलाएका थिए ।
६५ औं मिनेटमा लेवान्डोस्कीले गोल गर्दै बार्सिलोनालाई २-० को अग्रता दिलाए ।
खेलको ८५ औं मिनेटमा दर्शकको स्वास्थ्यमा समस्या आएपछि खेल केहि समय रोकिएको थियो ।
दर्शकको स्वास्थ्यमा समस्या आएपछि काडिजका गोलरक्षक लेडेज्माले तत्कालै स्वास्थ्य उपकरण बिरामी दर्शकसम्म पुर्याउन मदत गरेका थिए ।
फेरि सुरु भएको खेलको ८६ औं मिनेटमा फातीले गोल गर्दै बार्सिलोनालाई ३-० को अग्रता दिलाए ।
त्यसपछि खेलको इन्जुरी समयमा डेम्बेलेले गोल गर्दै बार्सिलोनालाई ४-० को जित दिलाए ।
यस जितसँगै बार्सिलोनाले ५ खेलमा १३ अंक जोडेको छ ।
बार्सिलोना अंक तालिकाको शीर्ष स्थानमा उक्लिएको छ ।
काडिज अंक विहीन रहदै पुछारमा रहेको छ ।
प्रतिक्रिया