काठमाडौं । नेपालले यूएईमा जारी आईसीसी यू–१९ महिला टी–२० विश्वकप एसिया छनोट अन्तर्गत आज युएईविरुद्ध खेल्दै छ ।

दुबईस्थित द सेभेन स्टेडियममाहुने यो खेल बिहान ११ः१५ बजेदेखि सुरु हुँदैछ ।प्रतियोगितामा नेपाल र युएई दुवैले आफ्ना शुरुका २–२ खेल जितेका छन् । नेपाल र युएईले थाइल्याण्ड र कुवेतलाई पराजित गरेका छन् ।

छनोट प्रतियोगिता नेपाल र कुवेतसँगै आयोजक यूएई र थाइल्याण्ड सहभागी छन् । डबल राउण्ड रोविनका आधारमा खेलाइएको यस प्रतियोगितामा शीर्ष स्थानमा रहने टोली अर्को वर्ष मलेसियामा हुने यू(१९ महिला टी–२० विश्वकपमा छनोट हुनेछ ।