एजेन्सी – साविक विजेता रियल मड्रिडले स्पेनिस ला लिगामा भिनिसियस जुनियरको ह्याट्रिकसँगै सानदार जित हात पारेको छ ।

रियलले शनिवार ओसासुनामाथि ४-० को सहज जित हात पारेको हो । घरेलु मैदानमा रियलका लागि अर्को गोल जुड बेलिङ्गमले १ थपे।

रियललाई खेलको ३४औं मिनेटमा जुनियरले सुरुवाती अग्रता दिलाए । खेलको ४२औं मिनेटमा बेलिङ्गमको गोलमा टोलीको अग्रता दोब्बरको भयो ।

६१औं र ६९औं मिनेटमा जुनियरले गोल गर्दै ह्याट्रिक पूरा गरे । जितसँगै रियल १२ खेलबाट २७ अंकका साथ दोस्रो स्थानमा छ । ओसासुना १३ खेलमा २१ अंकका साथ पाँचौं स्थानमा छ ।