काठमाडौँ । १८औँ संस्करणको इन्डियन प्रिमियर लिग (आइपिएल) क्रिकेटको खेल तालिका सार्वजनिक‌ भएको छ।

आगामी मार्च २२ देखि सुरु हुने आइपिएलका लागि भारतीय क्रिकेट बोर्ड (बीसीसीआई)ले आइतबार खेल तालिका सार्वजनिक‌ गरेको‌ हो। तालिका अनुसार पहिलो खेलमा साविक विजेता कोलकाता नाइट राइडर्स र रोयल च्यालेन्जर्स बेंगलुरु खेल्ने छन्। पहिलो खेल कोलकातामै हुनेछ।

फाइनल खेल मे २५ मा कोलकाताको इडेन गार्डेन्समा हुनेछ। गत संस्करणको फाइनलमा सनराइजर्स हैदराबादलाई हराउँदै कोलकाताले तेस्रो पटक उपाधि जितेको थियो।