Pura Samachar
  • नेकपा विवाद उत्कर्षमा पुगेका बेला योगेशले लेखे – सर्वाधिक कठिन समय

    प्रकाशित: २ हप्ता पहिले

    नेकपा विवाद उत्कर्षमा पुगेका बेला योगेशले लेखे – सर्वाधिक कठिन समय

    काठमाडौं –  नेपाल कम्युनिस्ट पार्टी (नेकपा)का स्थायी कमिटी सदस्य एवं संस्कृति पर्यटन तथा नागरिक उड्डयनमन्त्री योगेश भट्टराईले यतिबेला नेकपा सर्वाधिक कठिन समयमा पुगेको बताएका छन् ।

    पार्टीभित्रको आन्तरिक विवाद उत्कर्षमा पुगेका बेला मन्त्री भट्टराईले यस्तो बताएका हुन् । उनले अहिले देखिएको नेकपा विवादलाई विश्लेषण गर्दै लेखेका छन् – सर्वाधिक कठिन समय ।

    भट्टराईको टिप्पणीलाई अर्थपूर्ण ढंगले हेरिएको छ । नेकपाभित्र विवाद बढिरहेका बेला भट्टराईले चिन्ता व्यक्त गरेका हुन् । उनले पछिल्लो समय देखिएको विवादलाई सबैभन्दा कठिन समय भनेका छन् ।

    यसअघि पनि पटकपटक नेकपाभित्र विवाद चर्किने गरेको थियो । तर, यसपटकको विवादलाई भट्टराईले सर्वाधिक कठिन समयका रुपमा अर्थ्याएका हुन् ।

    गत शुक्रवारको सचिवालय बैठकमा कार्यकारी अध्यक्ष प्रचण्डले फरक राजनीतिक प्रतिवेदन र अध्यक्ष ओलीलाई सम्वोधन गर्दै ७ पेज लामो पत्र बुझाएपछि नेकपा विवाद जटिल मोडमा पुगेको देखिएको छ ।

    प्रचण्डले पेश गरेका प्रस्ताव अव्यवहारिक र असान्दर्भिक भएको भन्दै ओली पक्षका नेताहरूले असहमति जनाउँदै आएका छन् । प्रचण्डले पेश गरेका प्रस्ताव फिर्ता नगर्दासम्म कुनै कमिटीको बैठक बस्न नसक्ने उनीहरूले बताउँदै आएका छन् ।

    यता प्रचण्डसहित माधव नेपाल, झलनाथ खनाल, वामदेव गौतम र नारायणकाजी श्रेष्ठ समूहले सो पत्र आफूहरुको सामूहिक भन्दै फिर्ता नगर्ने बताएका छन् ।

    आज बस्ने सचिवालय बैठकमा यसले प्रभाव पार्न सक्ने पनि बताइएको छ । बैठक बोलाउन माग गर्दै सचिवालयका बहुमत सदस्यले कात्तिक २२ गते लिखित पत्र दिएपछि कात्तिक २८ मा सचिवालय बैठक बसेको थियो ।

    शुक्रवार केहीबेरका लागि बसेर सचिवालय बैठक बुधवार सम्मका लागि स्थगित भएको थियो । नेकपाभित्र राजदूत सिफारिस, मन्त्रिपरिषद् विस्तारलाई लिएर नेकपामा विवाद चुलिँदै आएको छ ।

    प्रतिक्रिया