Pura Samachar
  • आज नेपाल र ओमान भिड्दै

    प्रकाशित: भदौ २९, २०७८

    आज नेपाल र ओमान भिड्दै

    आइसिसी विश्वकप लिग-२ अन्तर्गत आज नेपाल र घरेलु टिम ओमानबीच खेल हुँदैछ।

    अल अमिरत क्रिकेट रंगशालामा हुने खेल नेपाली समयअनुसार दिउँस सवा चार बजे सुरू हुनेछ।

    लिग-२ मा नेपालले ओमानसँग दुई खेल खेलिसकेको छ। सन् २०२० को फेब्रुअरीमा नेपालमा भएको सिरिजमा ओमानले नेपाललाई ८ विकेट र १८ रनले पराजित गरेको थियो।

    हिजोदेखि ओमानमा सुरु भएको नेपाल, अमेरिका र ओमाबीचको त्रिकोणात्मक सिरिजमा नेपालले विजयी सुरूवात गरिसकेको छ।

    पहिलो खेलमा नेपालले अमेरिकालाई ५ विकेटले पराजित गर्‍यो। नेपालको जितमा ओपनर कुशल भुर्तेल र मध्यक्रमका ब्याट्सम्यान रोहितकुमार पौडेलले अर्धशतक प्रहार गरे।

    सिरिजमा नेपालले ओमान र अमेरिकासँग दुई-दुई खेल खेल्नेछ।

    सिरिजअघि नेपालले पपुवा न्युगिनीसँग दुई खेलको एकदिवसीय सिरिज खेलेको थियो। नेपाल दुवै खेलमा विजयी भएको थियो।

    विश्वकप लिग–२ मा नेपालसहित पपुवा न्युगिनी, ओमान, अमेरिका, स्कटल्याण्ड, नामिबिया र युनाइटेड अरब इमिरेटस् (युएई) रहेका छन्।

    नेपालले हालसम्म अमेरिकासँग तीन खेल र ओमानसँग दुई खेल खेलिसकेको छ। नेपाल छ अंक जोड्दै अंक तालिकाको छैटौं स्थानमा छ।

    खेल तालिका 

    नेपाल भर्सेस अमेरिका – भदौ २८

    ओमान भर्सेस नेपाल – भदौ २९

    ओमान भर्सेस अमेरिका – भदौ ३१

    नेपाल भर्सेस अमेरिका – असोज १

    ओमान भर्सेस नेपाल – असोज ३

    ओमान भर्सेस अमेरिका – असोज ४

    सबै खेल सुरू हुने समय – दिउँसो ४:१५ बजे

    स्थान – अल अमिरत क्रिकेट रंगशाला, ओमान

    प्रतिक्रिया