काठमाडौं। नेपाल कम्युनिष्ट पार्टी (माओवादी केन्द्र)को स्थायी कमिटी बैठकले प्रदेश समिति पदाधिकारिको संख्या थप गर्ने निर्णय गरेकाे छ ।

माओवादी केन्द्रका प्रवक्ता कृष्णबहादुर महराका अनुसार बिहीवार पार्टीको केन्द्रीय कार्यालय परिसडाँडामा बसेको स्थायी कमिटी बैठकले यसअघि सात पदाधिकारीमा थप गरी नौ जना राख्ने निर्णय गरेकाे हाे ।

प्रवक्ता महराका अनुसार एक जना अध्यक्ष, तीन जना उपाध्यक्ष, सचिव एक जना, सहसचिव तीन जना र एक जना कोषाध्यक्ष रहने छन् ।

यसैगरी, बैठकले प्रदेश समितिको संख्या समेत बढाएको छ । यसअघि १७५ सदस्यीय समिति बनाउने भनिएकोमा त्यसलाई बदल्दै १७५ लाई आधार मानेर निर्वाचन क्षेत्र र पालिकालाई आधार मानेर संख्या थप गर्ने निर्णय भएको हो ।