नेपालमा थप १६७ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार शनिबार १६७ जना संक्रमित थपिएका हुन्।पछिल्लो २४ घण्टामा ६ हजार ४४७ जनाको कोरोना परीक्षण गर्दा सो संख्यामा संक्रमित थपिएका हुन्।

४ हजार २८३ जनाको पिसिआर परीक्षण र २१६४ जनाको एन्टिजेन परीक्षण गरिएको थियो।२२६ जना निको समेत भएको मन्त्रालयले जनाएको छ। यसको संक्रमणबाट १ को मृत्यु भएको छ।

भक्तपुरमा ४, ललितपुरमा २६ र काठमाडौं ६८ गरी ९८ संक्रमित थपिएका छन्।