काठमाडौं । इंग्लिस प्रिमियर लिग फुटबलमा लिभरपुलले सहज जित निकालेको छ ।
बुधबार राति भएको खेलमा लिभरपुलले आर्सनललाई २-० गोल अन्तरले हराएको हो ।
आर्सनलको मैदानमा लिभरपुललाई जित दिलाउन डिएगो जोटा र रोबर्टो फिर्मिन्होले एक एक गोल गरे ।
खेलको ५४ औं मिनेटमा जोटाले गोल गर्दै लिभरपुललाई सुरुआती अग्रता दिलाएका थिए ।
त्यसपछि खेलको ६२ औं मिनेटमा फिर्मिन्होले गोल गर्दै लिभरपुललाई २-० को जित दिलाए ।
यस जितसँगै लिभरपुलले शीर्ष स्थानको म्यानचेस्टर सिटीसँग अंक दुरी १ अंकमा झारेको छ ।
दोस्रो स्थानको लिभरपुलले २९ खेलमा ६९ अंक जोडेको छ ।
शीर्ष स्थानको सिटीको ७० अंक रहेको छ ।
आर्सनल २७ खेलमा ५१ अंक जोडेर चौंथो स्थानमा रहेको छ ।
प्रतिक्रिया