काठमाडौं । सहिद स्मारक ‘ए’ डिभिजन लिग फुटबलमा हिमालयन शेर्पा क्लबले एपीएफ क्लबलाई हराएको छ ।
च्यासल मैदानमा बुधबार भएको खेलमा हिमालयनले एपीएफलाई ५-३ गोल अन्तरले हराएको हो ।
खेलको आठौं मिनेटमा सुदिप श्रेष्ठले गोल गर्दै हिमालयनलाई सुरुआती अग्रता दिलाएका थिए ।
खेलको २४ औं मिनेटमा सत्यम शर्माले गोल गर्दै हिमालयनलाई २-० को अग्रता दिलाए ।
२८ औं मिनेटमा सत्यमले व्यक्तिगत दोस्रो गोल गर्दै हिमालयनलाई ३-० को अग्रता दिलाए ।
पहिलो हाफको इन्जुरी समयमा अर्मान्ड बिडोमले गोल गर्दै एपीएफलाई ३-१ को स्थितिमा ल्याए ।
खेलको ४७ औं मिनेटमा सनिश श्रेष्ठले गोल गर्दै एपीएफलाई ३-२ को स्थितिमा ल्याए ।
खेलको ६३ औं मिनेटमा प्रदीप लामाले गोल गर्दै एपीएफलाई ३-३ गोलको बराबरीमा ल्याए ।
खेलको ७५ औं अबायोमी फाकुन्लेले गोल गर्दै हिमालयनलाई ४-३ को अग्रता दिलाए ।
त्यसपछि खेलको ८९ औं मिनेटमा विश्वास श्रेष्ठले गोल गर्दै हिमालयनलाई ५-३ को जित दिलाए ।
हिमालयनको यो दोस्रो जित हो । हिमालयन ८ खेलमा ९ अंक जोडेर दशौँ स्थानमा उक्लिएको छ ।
एपीएफको यो तेस्रो हार हो । एपीएफ ८ खेलमा ११ अंक जोडेर आठौं स्थानमा रहेको छ ।
त्रिपुरेश्वरस्थित दशरथ रंगशालामा बुधबार संकटाले एनआरटीलाई २-१ गोल अन्तरले हराएको हो ।
खेलको २२ औं मिनेटमा जुनियर एनकेनगुएले गोल गर्दै संकटालाई सुरुआती अग्रता दिलाएका थिए ।
खेलको ३७ औं मिनेटमा मनिष डाँगीले गोल गर्दै संकटालाई २-० को अग्रता दिलाए ।
त्यसपछि खेलको ६२ औं मिनेटमा एनआरटीका निकोलस सेर्जी सङले गोल गरेपनि संकटा २-१ ले विजयी भयो ।
संकटाको यो तेस्रो जित हो । संकटाले ८ खेलमा १२ अंक जोडेको छ ।
संकटा सातौं स्थानमा उक्लिएको छ ।
एनआरटीले ८ खेलमा ६ अंक जोडेको छ ।
चौंथो हार व्यहोरेको एनआरटी ११ औं स्थानमा रहेको छ ।
प्रतिक्रिया