काठमाडौं । इन्डियन प्रिमियर लिग (आईपीएल) क्रिकेट अन्तर्गत आज बुधबार एक खेल हुँदैछ ।
आईपीएलमा बुधबार राजस्थान रोयल्स र लखनउ सुपर जायन्ट्स भिड्ने छन् ।
राजस्थानको घरेलु मैदान सवाई मानसिंह स्टेडियम जयपुरमा आयोजना हुने खेल नेपाली समय अनुसार साँझ पौने आठबाट सुरु हुनेछ ।
राजस्थान र लखनउले समान ५/५ खेल खेलेका छन् । राजस्थान आजको खेल जितेर पाँचौ जित निकाल्ने योजनामा रहेका छन् ।
लखनउ आजको खेल जितेर चौथो जित निकाल्ने योजनामा रहेका छन् ।
राजस्थान ८ अंकका साथ शीर्ष स्थानमा रहँदा लखनउ ६ अंकका साथ दोस्रो स्थानमा रहेको छ ।
दुई टोलीबीचको भएको दुई भेटमा राजस्थान अपराजित रहेको छ ।
यस सिजन दुई टोलीबीचको यो पहिलो भेट हो ।
प्रतिक्रिया