काठमाडौं । सहिद स्मारक ‘ए’ डिभिजन लिग फुटबलमा मछिन्द्र फुटबल क्लबले सहज जित निकालेको छ ।
एन्फा कम्प्लेक्समा बुधबार भएको खेलमा मछिन्द्रले सातदोबाटो युथ क्लबलाई ३-१ गोल अन्तरले हराएको हो ।
मछिन्द्रको जितमा आफिज ओलावालेले ह्याट्रिक गोल गरे ।
सातदोबाटोका जोर्डन पुन मगरले एक गोल फर्काए ।
खेलको १७ औं मिनेटमा ओलावालेले गोल गर्दै मछिन्द्रलाई सुरुआती अग्रता दिलाएका थिए ।
पहिलो हाफको इन्जुरी समयमा ओलावालेले व्यक्तिगत दोस्रो गोल गर्दै मछिन्द्रलाई २-० को अग्रता दिलाए ।
खेलको ५६ मिनेटमा ओलावालेले ह्याट्रिक पूरा गर्दै मछिन्द्रलाई ३-० अग्रता दिलाए ।
त्यसपछि खेलको ८४ औं मिनेटमा सातदोबाटोका जोर्डनले गोल गरेपनि मछिन्द्र ३-१ ले विजयी भयो ।
मछिन्द्रको यो दशौँ जित हो । जितसँगै मछिन्द्र लिगको दोस्रो स्थानमा उक्लिएको छ ।
मछिन्द्रले २३ खेलमा ३९ अंक जोडेको छ ।
सातदोबाटो २३ खेलमा २९ अंक जोडेर छैटौं स्थानमा रहेको छ ।
थ्री स्टार र संकटा क्लबले बराबरी खेल्दै अंक बाडेका छन् ।
च्यासल मैदानमा बुधबार भएको खेलमा थ्री स्टार र संकटाले गोलरहित बराबरी खेल्दै अंक बाडेका छन् ।
प्रतिस्पर्धात्मक खेलमा दुबै टोलीले पाएको अवसरलाई सदुपयोग गर्न सकेनन् । जसको कारण खेल गोलरहित बराबरीमा सकिएको हो ।
यस बराबरीसँगै थ्री स्टारले २३ खेलमा २७ अंक जोडेको छ ।
थ्री स्टार ११ औं स्थानमा रहेको छ ।
संकटाले २३ खेलमा २७ अंक जोडेको छ ।
संकटा १२ औं स्थानमा रहेको छ ।
प्रतिक्रिया