प्रधानमन्त्री केपी शर्मा ओलीले सन् २०२१ भित्रमै नेपालका सबै नागरिकले कोरोना भाइरसविरुद्धको खोप प्राप्त गरिसक्ने बताएका छन् । खोप निरन्तर ल्याएर जनतालाई सुरक्षित पार्ने अभियानमा सरकार लागिरहेको उनले बताए ।
आज (आइतबार) वीर अस्पतालको नवनिर्मित सर्जिकल भवनको उद्घाटन गर्दै ओलीले २०२१ सम्म सम्पूर्ण नेपालीलाई खोप उपलब्ध गराइसकिने बताएका हुन् ।
‘जनताले भ्याक्सिन नपाएर मर्नुपर्ने स्थिति अब आउँदैन,’ उनले भने, ‘विश्वबाट नै कोभिड नहटेसम्म सबैले सजगता अपनाउन आवश्यक छ ।’ जनताको जीवन रक्षा नै सरकारको पहिलो प्राथमिकतामा रहेको र सरकार कोरोना महामारी नियन्त्रणमा लागिरहेको ओलीको दाबी छ ।
प्रतिक्रिया