२०७८ श्रावण २० गते

नेकपा एमालेका वरिष्ठ नेता माधव कुमार नेपाल पक्षले बुधबारलाई बोलाएको केन्द्रीय सदस्यहरुको बैठक बिहीबारका लागि सरेको छ ।
उपत्यका बाहिरबाट आउन नेताहरुलाई समय लाग्ने भएकाले बैठक बस्ने मिति सरेको नेता गंगालाल तुलाधरले जानकारी दिए ।
तुलाधरका अनुसार बुधबारको साटो बिहीबार बिहान ११ बजे बुद्धनगरस्थित क्वालिटी बैंक्वेटमा बैठक बस्नेछ ।
विकसित राजनीतिक घटनाक्रमका बारेमा छलफल गर्न बैठक बोलाइएको नेताहरुले बताएका छन् ।
नेता नेपालले सोमबार मात्रै आफु पक्षीय स्थायी समिति बैठक बोलाएर पार्टी एकता र पछिल्लो राजनीतिक घटनाबारे सदस्यहरुको धारणा सुनेका थिए ।