नेपाली कांग्रेसले थप तीन जिल्लाको क्रियाशील सदस्यता नामावली सार्वजनिक गरेको छ।

बागलुङ, सुनसरी र मकवानपुरको क्रियाशील सदस्यताको विवरण कांग्रेसले मंगलबार पार्टीको वेबसाइटमा राखेको हो।

केन्द्रीय निर्वाचन समितिका संयोजक महादेवप्रसाद यादवका अनुसार क्रियाशील सदस्यता सार्वजनिक भएका जिल्लामा निर्वाचन अधिकृत पनि पठाइसकिएको छ।

कांग्रेसले भदौ १८ मा देशैभर वडा अधिवेशन गर्ने बताएको छ। विवादित ठाउँ देखियो र भदौ १८ मै अधिवेशन हुन सकेन भने अर्को मिति तोक्ने अधिकार निर्वाचन अधिकृतलाई दिइएको कांग्रेसले जनाएको छ।

कांग्रेसले ७७ मध्ये ५६ जिल्लाको मात्रै क्रियाशीलको विवरण सार्वजनिक गरेको छ। बाँकी जिल्लामा छिट्टै क्रियाशील विवरण सार्वजनिक गरिने कांग्रेसका नेताहरू बताउँछन्।

कांग्रेसले १४ औं महाधिवेशनका लागि ९ लाख जना क्रियाशील सदस्य बनाएको छ। कांग्रेसको महाधिवेशन मंसिर ९ देखि १३ गतेसम्म काठमाडौंमा हुनेछ।