दुबई– अफगानिस्तानले आईसीसी टी–२० विश्वकपको सुपर–१२ को ग्रुप बिको खेलमा स्कटल्याण्डलाई १ सय ३० रनले हराएको छ ।
अफगानिस्तानले पहिला ब्याटिङ गर्दै चार विकेटको क्षतीमा १९० रनको ठूलो स्कोर खडा गर्यो ।
यसको जवाफमा स्कटल्याण्डको टीम १० दशमवल २ ओभरमा ६० रनमै समेटियो ।
सोमबार राति शारजाहमा अफगानिस्तानका लागि अफ स्पिनर मुजीब उर रहमानले ५ विकेट लिए, जबकि स्टार लेग स्पिनर राशिद खानले ४ विकेट लिए ।
अफगानिस्तानको रनको दृष्टिकोणले यो सबैभन्दा ठूलो टी–२० को जित हो ।
टी–२० वल्र्डकपमा भने यो संयुत्त: रुपमा दोस्रो ठूलो जित हो ।
यसअघि दक्षिण अफ्रिकाले पनि सन् २००९ मा स्कटल्याण्डविरुद्ध नै १३० रनले जित हासिल गरेको थियो ।
सोमबारको खेलमा स्कटल्याण्डका ब्याट्सम्यानहरुले अफगानिस्तानको स्पिन आक्रमणविरुद्ध खुलेर खेल्नै सकेनन् ।
मुजीबले ४ ओभरमा २० रन दिएर ५ विकेट लिए ।
त्यसपछि राशिद खानले ९ रन दिएर ४ विकेट लिए ।
एक विकेट तिब्र गतिका बलर नवीन उल हकले लिए ।
स्कटल्याण्डका तीन जना ब्याट्सम्यानले मात्र दोहोरो अंकमा रन बनाए ।
त्यसअघि अफगानिस्तानका अनुभवी खेलाडी नजीबुल्लाह जादरानलले अर्धशतक तथा शीर्ष क्रमका अन्य ब्याट्म्यानहरुको उपयोगी योगदानबाट अफगानिस्तानले विशाल लक्ष्य बनाउन सफल भएको थियो ।
स्कटल्याण्डका साफयान शरीफले ३३ रन दिएर दुई विकेट लिए ।
अन्य बलरहरु शारजाहको अपेक्षाकृत सुस्त पिचमा रनको प्रवाह रोक्न असफल रहे ।
जादरानले ३४ बलमा ५९ रन बनाए भने रहमनुल्लाह गुरबाजले ३७ बलमा ४६ रनन बनाए ।
हजरातुल्लाह जजईले ३० बलमा ४४ रन बनाए ।
प्रतिक्रिया