डा. डीआर उपाध्याय
काठमाडौं– नेपाल कम्युनिस्ट पार्टी एमालेमा केपी शर्मा ओली नै शक्तिशाली छन् ।
भोलि पनि उनै शक्तिशाली हुने हुन् ।
एमालेको दशौं महाधिवेशन मंसिर १०–१२ गते चितवनमा हुँदैछ ।
दृष्टिकोण
महाधिवेशनबाट केपी शर्मा ओली नै अध्यक्ष हुने पक्का छ ।
ओलीमा नेतृत्व कौशलता छ ।
उनले सजिलै मान्छेको मन जित्छन् ।
भाषण गर्ने शैली नै उनको फरक छ ।
उनी जहाँ गएर बोल्छन्, त्यहीँ चर्चा हुन्छ ।
ओलीमा राजनीति क्षमता छ ।
ओलीका कारण नै एमाले पार्टी चर्चामा छ ।
जनआकर्षण पनि अत्यधिक बढेको छ ।
उनको सवाल अनुसारको जवाफ आउँछ ।
त्यही नै रोचक हुन्छ ।
प्रतिवाद गर्न खप्पिस छन् ।
त्यसैले पनि उनले जनता, कार्यकर्ता र नेताकै पनि मन जित्न सकेका छन् ।
हिजोको मितिसम्म ओली महाधिवेशनमा अध्यक्षको एकल उम्मेदवार हुने अवस्था थियो, तर आइतबार एमाले उपाध्यक्ष डा.भीमबहादुर रावलले पनि अध्यक्षमा उम्मेदवारी दिएपछि ओली अब एकल उम्मेदवार होइनन् ।
हिजोसम्म पार्टी उपाध्यक्ष डा. रावल ओलीको अघोषित प्रतिस्पर्धी थिए, आइतबारदेखि उनले घोषित दाबेदारी दिएका छन् ।
यसमा अरू कुनै पदमा घनश्याम भुसाल पनि अगाडि आउन सक्छन् ।
यद्यपि, एमालेभित्र ओली नै सर्बमान्य देखिएका छन् ।
उनको बिरोध गर्ने नेता भनेका भिम रावल लगायतका केही नेता छन् ।
अरु सबै ओलीको गुनगान गाउने हुन् ।
ओली बिना एमाले चलायमान हुँदैन भन्ने कुरा एमाले भित्र धेरै नेताले बुझेका छन् ।
सत्तारुढ दलसंग टक्कर लिन सक्ने भनेको नेता भनेकी ओली मात्र हुन् ।
अरुले बोल्न पनि सक्दैनन् ।
ओलीसंग सत्तारुढ दल समेत डराउँछन् ।
ओलीमा बोल्ने र तर्क गर्न सक्ने क्षमता छ, त्यो अरु नेतामा छैन ।
यति बेला ओलीले एमाले पार्टीलाई चलायमान बनाएका छन् ।
पार्टी बिभाजनपछि उनी धेरै सक्रिय छन् ।
पार्टीलाई पुरानै अबस्थामा फर्काउन उनी दिलो ज्यान दिएर लागेका छन् ।
आगामी निर्वाचनमा बहुमत ल्याएर सरकार बनाउने दाबी गरिरहेका छन् ।
उनी कति खेर पनि निराश हुँदैनन् ।
उनमा सधैं उर्जा छ ।
त्यो उर्जा नै उनको शक्ति हो ।
पाँच दल एकातिर उभिँदा पनि उनी छिरिक्क भएका छैनन् ।
उनी अझै एमाले शक्तिशाली छ भन्दै हिंडिरहेका छन् ।
भोलि पनि एमाले शक्तिशाली पार्टी हुन्छ भन्दै हिंडेका छन् ।
आगामी निर्वाचनपछि फेरी मूल गेटबाट सिंहदरबार छिर्ने बताइरहेका छन् ।
यो पाँच दलमाथि उनले दिएको चुनौती पनि हो हो ।
अहिले उनी देशका बिभिन्न ठाउँमा पुगेर संगठन बिस्तारमा लागेका छन् ।
आफ्ना नेता–कार्यकर्ताहरुलाई संगठन बिस्तारका लागि निर्देशन दिइरहेकै छन् ।
पार्टी पुरानो अबस्थामा फर्कन्छ की फर्कँदैन, त्यो भने अहिले यसै भन्न सकिंदैन ।
आगामी चुनावपछि त्यो कुरा सबै प्रस्ट भैहाल्छ ।
पूर्व माओवादी नेताहरुले ओलीको नै गुनगान गाइरहेका छन् ।
टोपबहादुर रायमाझी त ओलीको भक्त नै जस्तो भएर भाषण गर्दै हिंडिरहेका छन् ।
दसौं महाधिवेशनबाट पूर्व माओवादी नेताहरुको अबस्था के हुने हो त्यो हेर्न बाँकी नै छ ।
आज जुन किसिमले ओलीको गुनगान गाएर पूर्व माओवादी नेताहरु हिंडेका छन्, भोलि महाधिवेशन जितेर आफूले चाहेको पद पाउन सक्छन की सक्दैनन् ?
त्यो नै चासोको बिषय बनेको छ ।
संकटका बेला पनि ओलीलाई साथ दिने भनेका पूर्व माओवादी नेताहरु नै हुन् ।
बरु अन्य नेताहरुले असहयोग गरेका हुन् ।
सरकार ढाल्न सहयोग गरेका हुन् ।
त्यसैले आज ओलीले भीम रावल लगायतका नेताहरुलाई लखेटिरहेका छन् ।
एमाले भित्र भिम रावल लगायतका नेताहरुको भविष्य त्यति राम्रो होला जस्तो छैन ।
पार्टीमा जिम्मेवारबिहिन् हुने अबस्था देखिन्छ ।
नेपालको राजनीतिमा केपी ओली अझै केही वर्ष शक्तिशाली हुने संकेत देखिएको छ
प्रतिक्रिया