काठमाडौं, १५ मंसिर । कर्णालीका मुख्यमन्त्री जीवनबहादुर शाहीले विश्वासको मत पाएका छन् ।
बुधबार प्रदेशसभामा राखेको विश्वासको मतसम्बन्धी प्रस्ताव बहुमतले पारित भएको हो । बैठकमा कर्णाली प्रदेशसभाका २२ सदस्य उपस्थित थिए ।
सभामुख राजबहादुर शाहीले मुख्यमन्त्री शाहीले राखेको प्रस्तावको पक्षमा २२ मत परेको जुन कर्णाली प्रदेशसभा सदस्य संख्याको बहुमत भएकाले मुख्यमन्त्रीले विश्वासको मत पाएको घोषणा गरेका छन् ।
मुख्यमन्त्री शाहीलाई नेपाली कांग्रेसका ६, नेकपा माओवादी केन्द्रका १२, नेकपा (एकीकृत समाजवादी)का ३ र राप्रपाका १ सांसदले मत दिएका छन्।
प्रतिक्रिया