काठमाडौं । घरेलु टोली भारतले श्रीलंकाविरुद्धको तीन खेलको टी-ट्वान्टी सिरिज क्लिन स्विप गरेको छ ।
धर्मशालामा आइतबार राति भएको तेस्रो तथा अन्तिम खेलमा श्रीलंकालाई ६ विकेटले हराएर भारतले सिरिज ३-० ले जितेको हो ।
श्रीलंकाले दिएको १ सय ४७ रनको लक्ष्य भारतले १५ ओभर ५ बलमा मात्र ४ विकेट गुमाएर पूरा गयो ।
भारतका लागि श्रेयस ऐरले अविजित रहदै ७३ रनको अर्धशतकीय इनिङ्स खेले । रविन्द्र जडेजा २२ रनमा अविजित रहे ।
दिपक होडाले २१ तथा सन्जु सामसनले १८ रन जोडे ।
श्रीलंकाका लाहिरु कुमाराले २ विकेट लिए ।
यस अघि पहिले ब्याटिङ गरेको श्रीलंकाले २० ओभरमा ५ विकेट गुमाएर १ सय ४६ रन जोडेको थियो ।
श्रीलंकाका लागि कप्तान डसुन सनकाले अविजित रहदै ७४ रनको अर्धशतकीय इनिङ्स खेले । दिनेश चण्डीमालले २२ तथा चामिका करुनारत्नेले अविजित १२ रन बनाए ।
भारतका आभेस खानले २ विकेट लिए ।
प्रतिक्रिया