Pura Samachar

नेपाल टेलिकमको प्रबन्ध निर्देशकमा: संगीता पहाडी, बुद्धिप्रसाद आचार्य र सुनिल पौडेलको नाम सिफारिस

प्रकाशित: April 7, 2022
पूरा समाचार

नेपाल टेलिकमको प्रबन्ध निर्देशकमा:  संगीता पहाडी, बुद्धिप्रसाद आचार्य र सुनिल पौडेलको नाम सिफारिस

काठमाडौं- नेपाल टेलिकमको प्रबन्ध निर्देशक नियुक्तिका लागि तीनजना सिफारिस भएका छन्।

कम्पनीमा खाली रहेको प्रबन्ध निर्देशक छनौट समितिले तीनजनाको नाम सिफारिस गरेको हो। प्रबन्ध निर्देशक छनौटका लागि सञ्चार तथा सूचना प्रविधि मन्त्रालयका सचिव वैकुण्ठ अर्यालको संयोजकत्वमा समिति गठन भएको थियो। 

समितिले इच्छुकबाट आवेदन माग गरेकोमा ९ जना अन्तर्वार्ताका लागि छानिएका थिए। चैत २२ र २३ गते भएको अन्तर्वार्ताबाट तीन जनालाई सिफारिस गरेको हो। 

स्रोतले दिएको जानकारीअनुसार संगीता पहाडी, बुद्धिप्रसाद आचार्य र सुनिल पौडेलको नाम सिफारिस भएको छ। 

सिफारिस भएकामध्ये पहाडी कम्पनीमै कार्यरत छन् भने आचार्य पूर्व प्रबन्ध निर्देशक हुन्। पौडेल राष्ट्रिय सूचना प्रविधि केन्द्रमा कार्यकारी निर्देशक छन्। 

प्रतिक्रिया