Pura Samachar

बाह्रबिसे पहिरो अपडेट : तीन जनाको शव फेला, एक दर्जन बढी मानिस बेपत्ता

प्रकाशित: September 13, 2020

बाह्रबिसे पहिरो अपडेट : तीन जनाको शव फेला, एक दर्जन बढी मानिस बेपत्ता

काठमाडौं । सिन्धुपाल्चोकको बाह्रबिसे नगरपालिका–७ घुम्थाङको पहिरोमा वेपत्ता भएकामध्ये तीन जनाको शव फेला परेको छ । गएराति घुम्थाङको नागपुजे र भीरखर्कमा गएका पहिरोमा पुरिएका मध्ये तीन जनाको शव फेला परेको हो ।

घुम्थाङको नागपुजेमा गएको पहिरोले कम्तिमा आठ घर र भीरखर्कमा कम्तिमा १० घर पुरिएको नेपाली कांग्रेसको प्रचार विभाग सदस्य तथा स्थानीयवासी सागर श्रेष्ठले जानकारी दिएका छन् । उनका अनुसार नागपुजेमा परिएका घरका सबै मानिसलाई पहिरोले बगाएको छ ।

केही दिनअघि सिन्धुपाल्चोककै जुगल गाउँपालिका–२ लिदीमा पहिरो जाँदा ३६ जनाको मृत्यु भएको थियो । लिदी पहिरोमा पुरिएका दुई जना अझै वेपत्ता छन् ।

प्रतिक्रिया