Pura Samachar
  • यी हुन् कोरोना भाइरसबाट अत्यन्त प्रभावित प्रमुख पाँच देश

    प्रकाशित: २ हप्ता पहिले

    यी हुन् कोरोना भाइरसबाट अत्यन्त प्रभावित प्रमुख पाँच देश

    एजेन्सी- कोरोना भाइरसको संक्रमण फैलिएको १० महिनामा पनि महामारी नियन्त्रणमा आउन सकेको छैन ।

    बरू दोस्रो लहरको संक्रमण देखिएपछि कयौँ मुलुकहरूमा विभिन्न प्रतिबन्धहरू सुरू भएका छन् ।

    अहिलेसम्म विश्वका २१४ मुलुकहरू कोरोनाबाट प्रभावित भएका छन् । यद्यपि केही मुलुकहरू भने यसबाट अत्यन्तै प्रभावित भएका छन् । जसमा अमेरिका, भारत, ब्राजिल, रसिया, कोलम्बिया, स्पेन लगायतका छन् ।

    अमेरिका

    संयुक्त राज्य अमेरिकामा कोरोना भाइरसको सङ्क्रमितको संख्या ७९ लाख नाघेको छ ।

    अमेरिकामा कोरोना भाइरसको सङ्क्रमणबाट सबैभन्दा बढी मानिसको मृत्यु भएको छ ।

    कोरोना सङक्रमणबाट अमेरिकामा मृत्यु हुने व्यक्तिको संख्या दुई लाख १९ हजार नाघेको छ । अमेरिकी राष्ट्रपति डोनाल्ड ट्रम्प र प्रथम महिला मेलानिया ट्रम्पसमेत कोरोना भाइरसबाट संक्रमित भएका छन् ।

    भारत

    कोरोना सङ्क्रमणको कारण दोस्रो स्थानमा रहेको अर्थात विश्वकै दोस्रो ठूलो जनसंख्या रहेको देश भारतमा कोरोनाबाट ७० लाख सङ्क्रमित भएका छन् ।भारतमा एक लाख ८ हजार ३७१ जनाको मृत्यु भईसकेको छ ।

    ब्राजिल

    कोरोना सङ्क्रमणले सबैभन्दा प्रभावित देशको सूचीमा तेस्रो स्थानमा रहेको देश ब्राजिलमा सङ्क्रमितको संख्या ५० लाख ९१ हजार पुगेको छ । सङ्क्रमणबाट एक लाख ५० हजार भन्दा बढीको मृत्यु भएको छ ।

    रसिया

    खोप विकास गरिसकेको घोषणा गरेको रसियामा १२ लाख ८५ हजार भन्दा बढी सङ्क्रमित रहेका छन् भने २२ हजार ४५४ जनाको मृत्यु भएको छ भने दैनिक सङ्क्रमितको संख्या पनि बढ्दो छ ।

    कोलम्बिया

    कोलम्बियामा ९ लाख २ हजार ७४७ जना कोरोना भाइरस सङ्क्रमित भएका छन् भने २७ हजार ६६० जनाको मृत्यु भएको छ ।

    विश्वभर महामारीका रुपमा फैलिएको कोरोनाभाइरस (कोभिड–१९) को सङ्क्रमणबाट मृत्यु हुनेको संख्या आइतबार यो समाचार तयार पार्दासम्म १० लाख ७७ हजार ५९४ पुगेको छ ।

    सङक्रमित संख्या विश्वभर तीन करोड ७४ लाख ७५ हजार ८३९ पुगेको छ ।

    युरोपेली मुलुकहरु खासगरी बेलायत, फ्रान्स, स्पेन र इटालीमा कोरोनाभाइरस संक्रमणको दोस्रो लहर शुरु भएपछि फेरि प्रतिबन्धहरु घोषणा गर्न थालिएको छ ।

     

    प्रतिक्रिया