काठमाडौ- जारि स्मारक ‘ए’ डिभिजन लिग फुटबलमा आज भएको एकमात्र खेलमा विभागीय नेपाल एपिएफ फुटबल क्लबले एफसी खुमलटारलाई पराजित गरेको छ ।

सातदोबाटोस्थित एन्फा कम्प्लेक्सका भएको खेलमा एपिएफले खुमलटारलाई २–० गोलअन्तरले पराजित गरेको हो।

एपिएफको जितमा खेलको २६औं मिनेटमा एब्डोउ रमानी र खेलको ७०औं मिनेटमा अर्मान्ड विडोमले समान १-१ गोल गरे।

यो जितसँगै एपिएफ १२ खेलबाट १७ अंक जोड्दौ तालिकाको पाँचौं स्थानमा उक्लिएको छ । उता पराजित भएको खुमलटार १२ खेलमा १३ अंकसहित ११औं स्थानमा कायम रहेको छ ।