यसअघि दुवै टोलि सिजनको १९औं खेलमा आमने–सामने भएका थिए जसमा हैदरावाद २३ रनले विजयी भएको थियो । यो खेलमा ह्यारी ब्रुकले सिजनको पहिलो शतक प्रहार गरे ।
हैदरावादले यो सिजन अहिलेसम्म खेलेका ८ खेलमा ३ जित र ५ हार बेहोरेको छ । टोलीको जम्मा ६ अंक छ । पछिल्लो खेलमा हैदरावादले दिल्लीलाई ९ रनले पराजित गरेको थियो । टोली हाल अंक तालिकाको नवौं स्थानमा छ ।
कोलकाताविरुद्ध टोलीका ४ विदेशी खेलाडी ह्यारी ब्रुक, एडेन मार्कराम, हेन्रिक क्लासेन र अकिल हुसेन हुन सक्छन् । यी बाहेक मायंक मार्कण्डे, राहुल त्रिपाठी र मायंक अग्रवाल जस्ता खेलाडीले टोलीलाई बलियो बनाउँदैछन् ।
कोलकाताले यो सिजन अहिलेसम्म ९ खेल खेलेको छ । जसमा उसले तीन जित र छ खेलमा हार बेहोरेको थियो । कोलकाताको अहिले ६ अंक छ । कोलकाता आफ्नो पछिल्लो खेलमा गुजरातसँग पराजित भएको थियो ।
हैदरावादविरुद्ध टोलीका ४ विदेशी खेलाडी रहमानुल्लाह गुरबाज, आन्द्रे रसेल, सुनिल नरिन र डेभिड भिजे हुन सक्छन् । यी बाहेक रिंकु सिंह, वेंकटेश अय्यर र वरुण चक्रवर्ती जस्ता खेलाडीले टोलीलाई बलियो बनाइरहेका छन् ।
कोलकाता नाइट राइडर्सले दुई पटक र सनराइजर्स हैदरावादले एक पटक उपाधि जितेको छ । दुवै टोली अहिलेसम्म २४ पटक आमने–सामने भएका छन् । जसमा कोलकाताले १५ पटक र हैदरावादले ९ पटक जितेको छ ।
प्रतिक्रिया