काठमाडौं । इंग्लिस प्रिमियर लिग फुटबलमा शीर्ष स्थानको म्यानचेस्टर सिटीले जित निकालेको छ ।
शनिबार राति भएको खेलमा सिटीले लिड्स युनाईटेडलाई २-१ गोल अन्तरले हराएको हो ।
सिटीको जितमा इल्के गुन्डोगानले दुई गोल गरे । लिड्सका रोड्रिगो मोरेनोले एक गोल फर्काए ।
खेलको १९ औं मिनेटमा गुन्डोगानले गोल गर्दै सिटीलाई सुरुआती अग्रता दिलाएका थिए ।
२७ औं मिनेटमा गुन्डोगानले व्यक्तिगत दोस्रो गोल गर्दै सिटीलाई २-० को अग्रता दिलाए ।
८४ औं मिनेटमा गुन्डोगान पेनाल्टीमा चुक्दा ह्याट्रिक गर्नबाट बन्चित रहे । गुन्डोगानको प्रहार पोस्टमा लागेको थियो ।
त्यसपछि खेलको ८५ औं मिनेटमा लिड्सका मोरेनोले गोल गरेपनि सिटी २-१ ले विजयी भयो ।
जितसँगै सिटीले ३४ खेलमा ८२ अंक जोडेको छ ।
लिड्स ३० अंक जोडेर १७ औं स्थानमा रहेको छ ।
प्रतिक्रिया