काठमाडौं । सहिद स्मारक ‘ए’ डिभिजन लिग फुटबलमा नेपाल पुलिस क्लबले जित निकालेको छ ।
त्रिपुरेश्वरस्थित दशरथ रंगशालामा सोमबार पुलिसले फ्रेन्ड्स क्लबलाई २-१ गोल अन्तरले हराएको हो ।
पुलिसको जितमा अन्जन राईले दुई गोल गरे । फ्रेन्ड्सका विकास थापाले एक गोल फर्काए ।
खेलको तेस्रो मिनेटमा अन्जनले गोल गर्दै पुलिसलाई सुरुआती अग्रता दिलाएका थिए ।
तर, २० औं मिनेटमा विकासले गोल गर्दै फ्रेन्ड्सलाई १-१ गोलको बराबरीमा ल्याएका थिए ।
त्यसपछि खेलको ३५ औं मिनेटमा अन्जनले व्यक्तिगत दोस्रो गोल गर्दै पुलिसलाई २-१ को जित दिलाए ।
पुलिसको यो नवौं जित हो । पुलिसले २२ खेलमा ३१ अंक जोडेको छ ।
पुलिस चौथो स्थानमा उक्लिएको छ ।
फ्रेन्ड्सले २२ खेलमा २४ अंक जोडेको छ ।
प्रतिक्रिया