काठमाडौं । सहिद स्मारक ‘ए’ डिभिजन लिग फुटबल अन्तर्गत सिजनको आफ्नो अन्तिम खेलमा नेपाल पुलिस क्लबले जित निकालेको छ ।
च्यासल मैदानमा शुक्रबार पुलिसले सातदोबाटो युथ क्लबलाई १-० गोल अन्तरले हराएको हो ।
पुलिसको जितमा अहमद हिजाजीले निर्णायक गोल गरे । हिजाजीले खेलको २१ औं मिनेटमा गोल गरेका थिए ।
जितसँगै पुलिस लिगको सुखद अन्त्य गरेको छ । पुलिसले २६ खेलमा ४१ अंक जोड्यो ।
पुलिसले तेस्रो स्थानमा रहदै लिगको अन्त्य गरेको छ ।
सातदोबाटोले हारबाट सिजनको अन्त्य गरेको छ ।
सातदोबाटोले २६ खेलमा ३५ अंक जोडेको छ ।
सातदोबाटो पाँचौं स्थानमा रहेको छ ।
प्रतिक्रिया