काठमाडौँ । इङल्याण्डले एसेज सिरिजको तेस्रो टेष्टका लागि प्लेइङ–११ घोषणा गरेको छ । अष्ट्रेलियाविरुद्धको तेस्रो टेष्ट विहिबारदेखि हेडिङ्ले (लिड्स) मा सुरु हुँदैछ । इङल्याण्डको टोली हाल सिरिजमा २-० ले पछि छ । यदि उसले हेडिङ्ले टेस्ट हार्यो वा खेल बराबरी भयो भने एसेज अस्ट्रेलियासँग रहनेछ । अब इङल्याण्डले एसेज जित्नका लागि कुनै पनि हालतमा बाँकी तीनवटै टेस्ट जित्नुपर्नेछ ।

हेडिङ्ले टेस्टका लागि इंग्ल्याण्डले टोलीमा तीन परिवर्तन गरेको छ । उनले अनुभवी जेम्स एन्डरसन र युवा फास्ट बलर जोस टङ्गलाई हटाइएको छ । योसँगै उपकप्तान ओली पोप चोटका कारण सम्पूर्ण सिरिजबाट बाहिरिएका छन् । मोइन अली, क्रिस वोक्स र मार्क वुडसँगै टोलीमा फर्किएका छन् । एन्डरसनले पछिल्लो दुई टेस्टमा तीन विकेट मात्र लिन सकेका थिए ।

हेडिङ्ले टेस्टका लागि इङल्याण्डको प्लेइङ-११: बेन स्टोक (कप्तान), ज्याक क्राउली, बेन डकेट, ह्यारी ब्रुक, जो रुट, जोनी बेयरस्टो, मोइन अली, क्रिस वोक्स, मार्क वुड, ओली रोबिन्सन, स्टुअर्ट ब्रोड ।

मार्क वूडले इङल्याण्डका लागि अहिलेसम्म २८ टेस्ट खेलेका छन् । यस अवधिमा उनले ९० विकेट लिएका छन् । उनले अन्तिम पटक इङल्याण्डका लागि डिसेम्बर २०२२ मा पाकिस्तानविरुद्ध टेस्ट खेलेका थिए । योसँगै ३४ वर्षीय क्रिस वोक्सले एक वर्षभन्दा बढी समयपछि टेस्ट खेल्ने भएका छन् । उनी अन्तिम पटक मार्च २०२२ मा वेस्ट इन्डिजविरुद्धको खेल खेलेका थिए । वोक्सले ४५ टेस्टमा १३० विकेट लिएका छन् । यस क्रममा उनले शतकको मद्दतमा १६७५ रन पनि बनाएका छन् ।

ओली पोप चोटका कारण सिरिजबाट बाहिरिएपछि अब तेस्रो स्थानमा कसले ब्याटिङ गर्छ भन्ने प्रश्न उठेको छ ।  इङल्याण्डले पनि कुनै पनि विशेषज्ञ ब्याट्सम्यानलाई टोलीमा समावेश गरेको छैन । यस्तो अवस्थामा ह्यारी ब्रुक तेस्रो स्थानमा आउने विश्वास गरिएको छ । मोइन अली र क्रिस वोक्सले तल्लो क्रमलाई बलियो बनाउनेछन् । मार्क वुड र स्टुअर्ट ब्रोडले पनि राम्रो रन बनाउन सक्छन् ।