सर्लाही : पर्सा गाउँपालिका-४ स्थित सडकमा हाल नम्बर नखुलेको मोटरसाइकलको ठक्करबाट सोही ठाउँ बस्ने बस्ने हरि वीरेन्द्र पासवानकी छोरी ८  वर्षीया मनिशा कुमारी पासवानको बुधबार बिहान मृत्यु भएको छ।

ठक्करबाट गम्भीर घाइते भएकी उनको स्थानीय बौदीमाई पोली क्लिनिकमा उपचारको क्रममा मृत्यु भएको हो। घाइते भएकी एक जना ८ वर्षीया बालिकाको सोही क्लिनिकमा उपचार भइरहेको छ। हाल फरार मोटरसाइकल चालकको प्रहरीले खोजी गरिरहेको छ। दुर्घटनाका सम्बन्धमा थप अनुसन्धान भइरहेको प्रहरीले जनाएको छ ।