काठमाडौं । क्रिकेटर सन्दीप लामिछानेविरुद्धको मुद्दाको सुनुवाई न्यायाधीश शकुन्तला कार्कीको इजलासमा हुने भएको छ ।

सन्दीपविरुद्धको मुद्दाको सुनुवाई काठमाडौं जिल्ला अदालतका न्यायाधीश कार्कीको इजलासमा क्रमसङ्ख्या ३ मा पेसी तोकिएको हो ।

भदौ १० गतेको पेसीमा हेर्न नभ्याउने भई २१ गतेका लागि पेसी तोकिएपछि लामिछाने भदौ ११ गते नै एसिया कप खेल्न पाकिस्तान गएका थिए । साउन ३२ गते जिल्ला अदालत काठमाडौंले लामिछानेको मुद्दामा पीडितको आमाको जन्ममितिसम्बन्धी कागजात मगाउन आदेश दिएको थियो।

न्यायाधीश राजुकुमार खतिवडाले पीडितकी आमाको जन्ममिति दुईथरी देखिएकाले यकिन गर्न आदेश दिएको थियो। लामिछानेमाथि काठमाडौंको गौशालास्थित एक होटलमा नाबालिका बलात्कार गरेको आरोप छ।