काठमाडौं । साताको अन्तिम कारोबार दिन सेयर बजार दोहोरो अंकले घटेको छ । बिहीबार बजार ११.०४ अंकले घटेको हो । बुधवार ९.२४ अंकले बढेको सेयर बजार एकदिन पनि टिक्न सकेन ।

आज बजार परिसुचक १९५६.९२ अंकको बिन्दुमा पुगेर बन्द भएको छ । उक्त दिन बजारसंगै कारोबार रकम पनि खुम्चिएको छ । आज १ अर्ब १० करोड ६५ लाख १९ हजार रुपैयाँ बराबरको ३४ लाख ६२ हजार ६२४ कित्ता सेयर किनबेच भएको हो । तर, अघिल्लो दिन भने १ अर्ब १८ करोड बढीको सेयर खरिदबिक्री भएको थियो ।