काठमाडौं । नेपालले विश्वकप छनोटको दोस्रो चरणमा यूएईविरुद्ध खेल्ने टोलीको घोषणा गरेको छ ।
मुख्य प्रशिक्षक भिन्सेन्जो अल्बर्टो एनिसले विश्वकप छनोटको दोस्रो चरणमा यूएईको घरेलु मैदानमा खेल्ने नेपाली टिमको घोषणा गरेका हुन् ।
नेपालले आगामी बिहीबार यूएईको घरेलु मैदानमा विश्वकप छनोटको दोस्रो चरणको पहिलो खेल खेल्दैछ । नेपाली टिम आईतबार यूएईतर्फ प्रस्थान गर्ने कार्यतालिका रहेको छ ।
अखिल नेपाल फुटबल संघ एन्फाले शुक्रबार यूएई जाने नेपाली टिमको बिदाई गरेका थिए ।
चोटका कारण डिफेन्डर अनन्त तामाङ राष्ट्रिय टिम बाहिर परेका छन् ।
किरण चेम्जोङको कप्तानी रहने नेपाली टिममा दिप कार्की र अभिषेक बरालले गोलपोस्ट सम्हाल्नेछन् ।
डिफेन्समा सनिस श्रेष्ठ, रोहित चन्द, अन्जन राई, आशिष चौधरी, अमित श्रेष्ठ, एरिक विष्ट, छिरिङ लामा र योगेश गुरुङ छन् ।
मिडफिल्डरमा लकेन लिम्बु, उत्सव राई, कृतिश रत्न छुन्जु, मनिष डाँगी, सेसेहाङ आङदेम्बे र निशान हमाल छन् ।
नेपालको फरवार्ड लाईनमा अन्जन विष्ट, आयुश घलान, जिलेस्पी जंग कार्की, हिसब थपलिया, सञ्जिव विष्ट र राजेश परियार रहेका छन् ।
प्रतिक्रिया