काठमाडौं । नेपाल सुपर लिग एनएसएलमा शनिबार बिरगञ्ज युनाईटेडले बुटवल लुम्बिनीसँग हार ब्यहोरेको छ ।
दशरथ रंगशालामा भएको खेलमा बिरगञ्जले लुम्बिनीसँग १–० को हार ब्यहोरेको हो ।
बिरगञ्जलाई हराउन बुटवलका लागि इन्जुरी समयमा चन्दन दासले विजयी गोल गरे ।
बुटवलसँग हारेको बिरगञ्ज प्लेअफको दौडबाट बाहिरिएको छ ।
बुटवललाई हराउँदै प्लेअफमा स्थान पक्का गर्ने अवसर बिरगञ्जसँग थियो । तर लिग चरणको अन्तिम खेलमा बिरगञ्जले जित निकाल्न सकेन ।
बिरगञ्जको हारसँगै त्यसको फाइदा ललितपुर, काठमाडौं र झापालाई पुगेको छ । विरगञ्जको हारले ललितपुरले प्लेअफमा लगभग स्थान पक्का गरेको छ ।
बिरगञ्ज ८ अंक सहित तालिकाको आठौं स्थानमा रह्यो । बुटवल जित निकाल्दै तालिकाको पाँचौं स्थानमा उक्लिएको छ ।
प्रतिक्रिया