काठमाडौँ । साताको पहिलो कारोबारको दिन सेयर बजारले ओरालो यात्रालाई निरन्तरता दिएको छ । गत साताको अन्तिम कारोबारको दिन समेत घटेको बजारले यो साता समेत निरन्तरता दिएको हो ।

अहिले नाफा बुक गरेका लगानीकर्ता पर्ख र हेरको अवस्था छन् । नाफा बुकपछि बजारमा विस्तारै क्रेता पक्ष पनि सक्रिय हुन थालेको संकेत कारोबार रकमले देखाएको छ ।

नेपाल स्टक एक्सचेञ्ज (नेप्से) २६.३६ अकंले घटेर २०२२.९२बिन्दुमा बन्द भएको छ ।नेप्सेमा सूचीकृत ३०४ कम्पनीको १ करोड ५२ लाख ६८ हजार३९९ कित्ता सेयर किनबेच हुँदा ५ अर्ब २४ करोड १४लाख रुपैयाँको कारोबार भएको छ ।

आइतबार १२ उपसूचक राताम्य भएका छन् । आज बैंकिङ समूहको १.८१ प्रतिशत, विकास बैंक समूहको १.१८ प्रतिशत, फाइनान्स समूहको १.३८ प्रतिशत, होटल तथा पर्यटन समूहको १.३२ प्रतिशतले सेयर मूल्य घटेको हो ।