एजेन्सी । कतारमा जारी एएफसी एसियन कपअन्तर्गत खेलमा थाइल्याण्डलाई हराउँदै उज्बेकिस्तान क्वाटरफाइनलमा प्रवेश गरेको छ ।
मंगलवार भएको अन्तिम १६ अन्तर्गत खेलमा थाइल्याण्डलाई २–१ ले हराउँदै उज्बेकिस्तान क्वाटरफाइनलमा प्रवेश गरेको हो ।
अल जानौब रंगशालामा भएको खेलमा उज्बेकिस्तानको जितमा अजिजबेक तुर्गनबोएभ र आबोस्बेक फायजुल्लेभले गोल गरे ।
पराजित टोलीका लागि सुपचोक साराच्याटले एक गोल फर्काए ।
पहिलो हाफको ३७ औं मिनेटमा डियोर होल्माटोभको पासमा अजिजबेकले गोल गर्दै उज्बेकिस्तानलाई सुरुवाती अग्रता दिलाए ।
तर, दोस्रो हाफको ५८ औं मिनेटमा थाइल्याण्डका सुपाचाई चाइदेदको पासमा सुपचोकले गोल फर्काउँदा खेल १–१ को बराबरीमा आयो ।
त्यसपछि ६५ औं मिनेटमा जालोद्दिन मासारिपोभको पासमा अबोस्बेकले गोल हान्दा उज्बेकिस्तान २–१ ले विजयी भयो ।
प्रतिक्रिया