एजेन्सी । कतारमा जारी एएफसी एसियन कपअन्तर्गत खेलमा बहराइनमाथि सहज जित हासिल गर्दै जापान क्वाटरफाइनलमा प्रवेश गरेको छ ।

बुधवार साँझ भएको अन्तिम १६ खेलमा बहराइनमाथि ३–१ को सहज जित निकाल्दै एसियाली पावर हाउस जापान एसियाली फुटबलको शीर्ष प्रतियोगिताको क्वाटरफाइनलमा प्रवेश गरेको हो ।

अल थुमामा रंगशालामा भएको खेलमा बलियो जापानको जितमा रित्सु डोआन, ताकेफुसा कुबो र अयासे वेदाले गोल गरे ।

बहराइनले भने जापानका जियोन सुजुकीको आत्मघाती गोलमार्फत् एक गोल उपहार पायो ।

पहिलो हाफको ३१ औं मिनेटमा डोआनको गोलमार्फत् जापानले सुरुवाती अग्रता लियो ।

त्यस्तै, दोस्रो हाफको ४९ औं मिनेटमा कुबोको गोलमार्फत् जापानले २–० को अग्रता लियो ।

तर, ६४ औं मिनेटमा सुजुकीको आत्मघाती गोलको मद्दतमा बहराइन खेलमा फर्कियो ।

त्यसपछि ७२ औं मिनेटमा वेडाले गोल थप्दा जापान ३–१ ले विजयी भयो ।

जापानसंग पराजयसंगै बहराइन भने प्रतियोगिताबाट बाहिरिएको छ ।