Pura Samachar

आज त्रिभुवन आर्मी क्लबले आहा रारा पोखरा गोल्डकप फुटबलको उपाधिका लागि थ्री स्टार क्लबसँग खेल्दै

प्रकाशित: February 3, 2024
पूरा समाचार

आज त्रिभुवन आर्मी क्लबले आहा रारा पोखरा गोल्डकप फुटबलको उपाधिका लागि थ्री स्टार क्लबसँग खेल्दै

पोखरा ।आज त्रिभुवन आर्मी क्लबले आहा रारा पोखरा गोल्डकप फुटबलको उपाधिका लागि थ्री स्टार क्लबसँग खेल्दैछ ।
हालसम्म चार पटक फाइनल पुगरे उपाधि जित्न नसकेको आर्मी यो पटक भने उपाधि जित्ने लक्ष्यमा छ ।

आर्मीका कप्तान भरत खवासले आहा रारा गोल्डकपमा हालसम्म उपाधि जित्न नसक्नु आर्मीका लागि र्दुभाग्य भएको बताए ।

हालसम्म विभागीय टोली मध्य आर्मीले मात्र उपाधि जित्न बाँकी छ । यो सिजन राम्रो तयारी भएको छ । हामी उपाधिका लागि तयार छौं,’ खवासले भने ।

प्रशिक्षक मेघराज केसीले आफूहरु युवा खेलाडीमा विश्वास  रहेको बताए ।

यता थ्री स्टारका कप्तान विराज महर्जनले पुर्व सहकर्मी नै अहिले प्रशिक्षक रहेको हुँदाम टिममा केही सहज खेल वातावरण भएको बताए ।

‘टिमका पूर्व खेलाडी र सहकर्मी नै प्रशिक्षक छन् ।  त्यसैले खेल वातारवणमा केही सहज छ । म आफै खेल्नु भन्दा युवा खेलाडीलाई आफ्नो अनुभवले राम्रो बनाउने प्रयास गर्दैछु । टिम कप्तान र मेंन्टरको भूमिकामा छु । हामी छैटौं उपाधिका लागि तयार छौं,’ महर्जनले भने ।

यता थ्री स्टारका प्रशिक्षक विक्रम लामाले आफ्नो पूर्व प्रशिक्षकको टोलीसँग उपाधिका लागि खेल्न पाउँदा खुसी भएको बताएका छन् । साथै आफू प्रशिक्षण करियरको पहिलो उपाधिका लागि तयार भएको पनि बताए ।

‘आफ्नो पूर्व प्रशिक्षकको टिमविरुद्ध खेल्न पाउँदा खुसी छु । हाम्रो लक्ष्य उपाधि जित्ने हुनेछ । युवा टोलिलाई उपाधि जित्ने यो राम्रो अवसर छ । मेरो लागि पनि प्रशिक्षक करियरको यो सुनौलो अवसर हो,’ लामाले भने ।

प्रतिक्रिया