एजेन्सी । क्यानडाले दोस्रो संस्करणको आईसीसी क्रिकेट विश्वकप लिग २ अन्तर्गत त्रिकोणात्मक सिरिजको पहिलो खेलमा युनाइटेड अरब इमिरेट्स (युएई) लाई पराजित गरेको छ ।
बुधवार क्यानडामा सुरु भएको त्रिदेशिय (युएई, क्यानडा र स्कटल्याण्ड) बीचको लिग २ सिरिजअन्तर्गत पहिलो खेलमा क्यानडाले युएईलाई ३ विकेटले पराजित गरेको हो ।
महत्वपूर्ण जितसंगै क्यानडाले लिग २ तालिकामा २ अंक जोड्दै नेपाललाई उछिन्दै तेस्रो स्थानमा उक्लेको छ ।
लिग २ मा ४ खेल खेलिसकेको नेपालको पनि समान २ अंक नै रहेतापनि नेट रननेटका आधारमा नेपाल चौथौं स्थानमा झरेको हो ।
युएईको दुबईस्थित दुबई अन्तर्राष्ट्रिय क्रिकेट रंगशालामा भएको खेलमा १९५ रनको विजयी लक्ष्य पछ्याएको क्यानडाले ४७.४ ओभर खेल्नेक्रममा १९८ रन जोड्यो ।
क्यानडाको जितमा निकोलास क्रिटनले ९० बल खेल्नेक्रममा ७ चौका प्रहार गर्दै ६८ रनको अर्धशतकिय पारी खेल्दै अविजित रहँदा विकेटकिपर श्रीमन्थ विजयरत्नेले ८३ बलमा ६ चौका प्रहार गर्दै ५९ रनको अर्धशतकिय पारी खेले ।
त्यस्तै, कप्तान साद बिन जफरले ४१ बलमा १ चौका प्रहार गर्दै २१ रन जोडेर आउट हुँदा दिलन हेलिगरले ६ बल खेल्दै २ चौका प्रहार गरेर १० रन जोड्दै अविजित रहे ।
यता, हर्ष थाकेर ८, परगत सिंह ६, नभनित धलिवाल ५, आरोन जोनसन ४ र श्रेयास मोभ्भा ३ रन जोडेर पेविलियन फर्किए ।
क्यानडाले अतिरिक्त रपमा १४ रन जोड्यो ।
युएईका लागि जाहोर खानले ३ विकेट लिँदा जुनैद सिद्दिक्यु र आयान अफजल खानले समान २–२ विकेट लिए ।
त्यसअघि टस हारेर पहिला ब्याटिङमा उत्रिएको युएईले ४७.५ ओभरमा अलआउट हुँदै १९४ रन जोड्यो ।
घरेलु टोलीका लागि कप्तान मुहम्मद वासिमले ८२ बलमा ६ चौका प्रहार गर्दै ४९ रन जोड्दा आयान अफजल खानले ५० बल खेल्नेक्रममा ३ चौका प्रहार गर्दै ३८ रन जोड्दै पेविलियन फर्किए
त्यस्तै, मुहम्मद जुनैबले २६ बलमा ३ चौका र १ छक्का प्रहार गर्दै ३१ रन जोडेर आउट हुँदा बसिल हामिदले ५३ बलको सामना गर्दा १९ रन जोडेर पेविलियन फर्किए ।
यता, आसिफ खानले २७ बल खेल्दै २ चौका प्रहार गरेर १६ रन जोडेर आउट हुँदा अलिसान शराफुले २४ बलमा ३ चौका प्रहार गर्दै १५ रन जोडेर पेविलियन फर्किए ।
जाहोर खान ३ रनमा अविजित रहँदा राहुल चोपरा ४, सञ्चित शर्मा १, विकेटकिपर तासिन सुरी र जुनैद सिद्दिक्यु शुन्य रनमा पेविलियन फर्किए ।
युएईले अतिरिक्त रुपमा १८ रन जोड्यो ।
घरेलु टोलीलाई अलआउट गर्न कलिम सानाले ८.५ ओभर बलिङ गर्नेक्रममा १ मेडन राखेर सर्वाधिक ४ विकेट लिँदा दिलन हेलिगरले २, साद बिन जफर, अमर खालिद र हर्ष थाकेरले समान १–१ विकेट लिए ।
प्रतिक्रिया