एजेन्सी । स्पेनिस महारथी रियल मड्रिड ला लिगाअन्तर्गत खेलमा भ्यालेन्सियासंग बराबरीमा रोकिएको छ ।

सनिवार राति भएको खेलमा लिड लिडर रियल मड्रिड तुलनात्मक रुपमा कमजोर प्रतिद्वन्दी भ्यालेन्सियासंग २–२ को बराबरीमा रोकियो ।

भ्यालेन्सियाको घरेलु मैदान मेस्टाल्ला रंगशालामा भएको खेलमा घरेलु टोलीका लागि ह्युगो डुरो र रोमन यारेमचुकले गोल गरे ।

यता, भ्रमणकारी टोलीका लागि भने भिनिसियस जुनियरले दुबै गोल फर्काए ।

पहिलो हाफको २७ औं मिनेटमा फरान पेरेजको पासमा ह्युगो डुरोले गोल गर्दै घरेलु टोलीलाई सुरुवाती अग्रता दिलाए ।

त्यसको तीन मिनेटपछि नै ३० औं मिनेटमा रोमन यारेमचुकले गोल थप्दा भ्यालेन्सिया २–० ले अघि बढ्यो ।

तर, पहिलो हाफको अन्त्यतिर इन्जुरी समयको पाँचौं मिनेटमा रोड्रिगोको पासमा भिनिसियस जुनियरले गोल फर्काउँदा भ्रमणकारी टोली २–१ ले खेलमा फर्कियो ।

दोस्रो हाफको ७६ औं मिनेटमा ब्राहिम डाइजको असिस्टमा भिनिसियस जुनियरले व्यक्तिगत रुपमा दोस्रो गोल गर्दा खेल २–२ को बराबरीमा आयो ।

त्यसपछि खेलको अन्त्यतिर जुधे बेलिङघमले गोल गरेतापनि रेफ्रीले गोल अगाडी नै खेल सकिएको जनाए ।

जसले गर्दा केहिबेर मैदान गर्मागर्मी भयो । सोहि समयमा बेलिङघमलाई रेफ्रीले सोझै रातो कार्ड देखाए ।

बराबरीमा रोकिएको लिग लिडर रियल मड्रिडले २७ खेलमा ६६ अंक जोडेको छ ।

घरेलु टोली भ्यालेन्सियाको भने २६ खेलमा ३७ अंक सहित तालिकाको९ औं स्थानमा रहेको छ ।

ला लिगाअन्तर्गत गयराति नै भएको अन्य खेलहरुमा गेटाफेले लास पाल्माससंग ३–३ को बराबरी खेल्दा सेभिल्लाले रियल सोसिडाडमाथि ३–२ को जित निकाल्यो ।

त्यस्तै, रोयो भालेकानो र काडिजले भने १–१ को बराबरी खेल्यो ।