काठमाडौं  । क्रिकेटर सन्दिप लामिछानेको भिसा आवेदन पुनः अस्विकृत भएको छ ।

अमेरिकामा हुन गइरहेको आईसीसी टि–२० विश्वकपका लागि दोस्रो पटक आवेदन दिँदा पनि सन्दीपको भिसा अस्विकृत भएको हो ।

किशोरीसँग बलात्कारको आरोप लागेका सन्दिपलाई केहि साता अघि मात्रै उच्च अदालत पाटनले सफाइ दिएको थियो ।

त्यस लगत्तै नेपाल क्रिकेट संघ (क्यान) ले पनि सन्दिपमाथि लगाइएको निलम्बन फुकुवा गर्दै विश्वकप खेल्ने नेपाली टोलीमा समेत्ने प्रयास सुरु गरेको थियो ।

तर, अमेरिकी दुतावासले गत साता सन्दिपको आवेदन अस्वीकृत गरिदिएको थियो।

त्यसपछि क्यानका अध्यक्ष चतुरबहादुर चन्दले सरकारलाई अनुरोध गरेर परराष्ट्र मन्त्रालयमार्फत् उनलाई भिसा दिलाउन पहल गरिने बताएका थिए ।

तर अमेरिकी दूतावासले भने फेरी पनि सन्दिपलाई भिसा दिन अश्विकार गरेको छ ।