एजेन्सी । जर्मनीमा जारी युरोपेली फुटबल च्याम्पियनसिप (युरो कप) अन्तर्गत खेलमा पोल्याण्डमाथि नेडरलयाण्ड्सले पुनरागमन जित हासिल गरेको छ ।
आईतवार राति भएको युरो कपअन्तर्गत पहिलो खेलमा पोल्याण्डमाथि नेडरल्याण्ड्सले २–१ पुनरागमन जित हासिल गरेको हो ।
ह्यामबर्गस्थित भोल्क्सपाक्र्सस्टाडन रंगशलामा भएको रोमाञ्चक खेलमा डच टोलीको पुनरागमन जितमा कोडी गाक्पो र वाउट वेगहर्स्टले गोल गरे ।
उता, पराजित पोल्याण्डका लागि एडम बुस्काले एक गोल गरे ।
खेल सुरु भएको १६ औं मिनेटमा पियोटर जेलेन्स्कीको पासमा बुस्काले गोल गर्दै पोल्याण्डलाई सुरुवाती अग्रता दिलाए ।
तर, २९ औं मिनेटमा नाथान एकेको पासमा गाक्पोले डच टोलीका लागि गोल फर्काउँदा खेल १–१ को बराबरीमा आयो ।
यता, दोस्रो हाफको ८३ औं मिनेटमा परिवर्तित खेलाडीका रुपमा मैदान छिरेका वेगहर्स्टले गोल गर्दा नेडरल्याण्ड्स २–१ ले विजयी भयो ।
पुनरागमन जितसंगै समूह ‘डी’ मा डच टोलीले महत्वपूर्ण ३ अंक जोडेको छ ।
प्रतिक्रिया