काठमाडौँ / साताको पहिलो कारोबारको दिन अर्थात आज आइतबार नेप्से परिसूचक सामान्य अङ्कले घटेको छ ।

आज नेप्से परिसूचक पाँच दशमलव ३७ अङ्कले घटेर दुई हजार ६२ दशमलव ९४ को बिन्दुमा कायम भएको हो । अघिल्लो कारोबारको दिन अर्थात बिहिबारको दिन परिसूचक १०.४४ अङ्कले घटेर २ हजार ६८.३१ विन्दुमा बन्दमा कायम भएको थियो ।

आज तीन सय १७ कम्पनीको ९५ लाख ६१ हजार सात सय २७ कित्ता शेयर ६१ हजार पाँच सय १३ पटक खरिद बिक्री हुँदा रु चार अर्ब ३७ करोड ४५ लाख ९७ हजार चार सय ५८ बराबरको कारोबार भएको छ ।

आज नेप्से परिसूचक सामन्य अङ्कले घटेपनि कुनै कम्पनीका लगानीकर्ताहरूले भने सार्वधिक कमाएका छन् । आइतबार ७८ कम्पनीको सेयर मूल्य बढेको छ भने १६४ वटाको घटेको छ। यस्तै, ५ कम्पनीको मूल्य स्थिर रहेको छ।

यसदिन पाँच कम्पनीको सेयर मूल्य सर्किट लेभलमा बढेको छ। रिलायन्स फाइनान्स, गणपति लघुवित्त, साधना लघुवित्त र मौलुङ खोला जलविद्युतको मूल्य १० प्रतिशतका दरले बढेको छ भने नेपाल फाइनान्सको मूल्य ९.९९ प्रतिशतले बढेको छ।