मेष (चु, चे, चो, ला, लि, लु, ले, लो, अ)
साताको प्रारम्भमा धार्मिक कार्यमा रुचि बढ्नेछ । रोकिएका काम अगाडि बढ्नेछन् । वैदेशिक भ्रमणको योग छ । स्थानान्तरणको योग बनेकाले स्थान परिवर्तन गर्दा शुभ हुनेछ । छिट्टै नाफा हुने गरी लगानी गर्दा फाइदा पुग्नेछ । साताको अन्त्यमा अनावश्यक यात्रा नगर्दा नै हितकर हुनेछ।

वृष (इ, उ, ए, ओ, वा, वि, वु, वे, वो)
साता सोचेअनुसार अगाडि बढ्नेछ । पारिवारिक धार्मिक यात्राको योग रहेकोले यात्राका क्रममा हुने अवरोध बिस्तारै हट्दै जानेछ । नयाँ योजना समयमै पुरा हुनेछन् । विश्वासको वातावरण बन्नेछ । वैदेशिक यात्रामा सोचेअनुसार सफलता मिल्नेछ । भाग्यको साथ पूर्ण रूपमा मिल्नेछ ।

मिथुन (का, कि, कु, घ, ङ, छ, के, को, हा)
शैक्षिक क्षेत्रबाट सोचेअनुसार सफलता मिल्नेछ । पारिवारिक साथ र सहयोग पूर्ण रूपमा मिल्नेछ । धार्मिक तथा सामाजिक क्षेत्रमा सहयोगको भावना जागृत हुनेछ । मनमा खिन्नता बढ्नेछ । नयाँ सवारीसाधन खरिद तथा बिक्रीको योग रहेकाले सोचेअनुसार काम सम्पन्न हुनेछ ।

कर्कट (हि, हु, हे, हो, डा, डि, डु, डे, डो)
न्यायालयबाट हुने न्यायिक निर्णयबाट सोचेअनुसार सफलता मिल्नेछ । उद्योग तथा व्यवसायमा लगानी गर्न हरूका लागि सोचेअनुसार सफलता मिल्नेछ। लामो लाभदायक यात्राको योग रहेकाले यात्रामा सफलता मिल्ने छ । साथीहरूले सोचेअनुसार साथ र सहयोग दिनेछन् ।

सिंह (मा, मि, मु, मे, मो, टा, टि, टु, टे)
साताको प्रारम्भमा भाग्यबल बढ्नेछ र रोकिएका काम बन्न थाल्नेछन् । व्यावसायिक र सामाजिक सम्बन्ध सुदृढ हुनेछ, अध्ययन, अध्यापन एवं लेखनका क्षेत्रमा बाधा छ । साथीभाइ र नातेदारबाट उपयोगी सल्लाह र सहयोग प्राप्त हुनेछ र राज्यपक्षबाट लाभ प्राप्त हुनेछ । नयाँ कार्यको थालनी हुनेछ ।

कन्या (टो, पा, पि, पु, ष, ण, ठ, पे, पो)
साताको प्रारम्भमा घर परिवारबाट भरमग्दुर सहयोग प्राप्त हुनेछ । सानो प्रयासले रोजगारीको राम्रो अवसर हात पर्न सक्छ । सरकारी जागिरेका लागि प्रशंसा, बढुवा वा जिम्मेवारी मिल्ने देखिन्छ । आफूले भनेजस्तो काम सम्पन्न हुन कठिन देखिन्छ । लामो दूरीको यात्रा हानिकारक बन्न सक्छ ।

तुला (रा, रि, रु, रे, रो, ता, ति, तु, ते)
साताको प्रारम्भमा राज्यपक्षबाट लाभ प्राप्त हुनेछ । व्यापारबाट सोचेजस्तै सफलता प्राप्तिको योग छ । पशु व्यवसाय र कृषि पेसाबाट सन्तोष मिल्नेछ । नोकरी र सामाजिक क्षेत्रबाट मान सम्मान प्राप्त हुनेछ । साताको अन्त्यमा नियमित व्यवसायबाट राम्रो फाइदा हुनेछ ।

वृश्चिक (तो, ना, नि, नु, ने, नो, या, यि, यु)
प्रतिष्ठित व्यक्तिहरूसँग प्रतिस्पर्धा हुनेछ । मिहिनेत गर्दा पछिका लागि विशेष काममा जग बसाउने अवसर जुट्नेछ । विशिष्ट व्यक्तिको सहयोगमा प्रतिष्ठित जिम्मेवारी हात पार्न सफल भइनेछ । आफूभन्दा वरिष्ठ व्यक्तित्व अथवा पर्यवेक्षकका साथमा सुमधुर सम्बन्ध कायम रहनेछ ।

धनु (ये, यो, भा, भि, भु, धा, फा, ढा, भे)
नयाँ काम र जिम्मेवारी हात पार्ने मौका छ । पढाइमा सोचेजस्तै प्रगति हुनेछ । आर्थिक पक्ष सबल रहने योग रहेको छ । बुधबारदेखि आफन्तबाट टा पर्नेछ व्यवसायमा लगानी बढाउनु पर्ने परिस्थिति आउन सक्छ । साताको अन्त्यमा अवसरका लागि कडा परिश्रम गर्नुपर्ला ।

मकर (भो,जा,जि,जु,जे,जो,ख,खि,खु,खे,खो,गा,गि)
धन आर्जनका बाटाहरू खुल्नेछन् । काममा सोचेजस्तै सफलता मिल्नेछ । प्रेम र मित्रताको बन्धन कसिलो हुनेछ । धन लाभ हुनेछ । आलस्य त्यागेर मिहिनेत गर्नुपर्ने समय छ । नयाँ काम प्रारम्भ गर्ने समय छ । साताको अन्त्यमा वैदेशिक रोजगारीका कामबाट भने केहि कठिनाइ भोग्नुपर्ने योग देखिन्छ ।

कुम्भ (गु, गे, गो, सा, सि, सु, से, सो, दा)
साताको प्रारम्भमा नोकरी तथा व्यवसायबाट सोचे अनुसार लाभ मिल्नेछ । आय आर्जनका विविध बाटाहरू फेला पर्नेछन् । सर सापटमा धन बाहिरिने हुँदा विशेष सावधानी अपनाउनुपर्नेछ । प्रगतिमा ईर्ष्या गर्नेहरूले अवरोध पुऱ्याउन सक्नेछन् । नयाँ योजना सफल हुनेछन् ।

मीन (दि, दु, थ, झ, ञ, दे, दो, चा, चि)
मिहिनेतले पदीय जिम्मेवारी दिलाउनेछ । विशेष अवसर प्राप्त हुनाले मन प्रफुल्लित हुनेछ । भाग्यले विभिन्न अवसर थमाउनेछ । परोपकारमा मन जानेछ । धेरैले कामको तारिफ गर्नेछन् । दाम, इनाम र प्रतिष्ठा कमाउने वेला छ । साताको अन्त्यमा नयाँ जिम्मेवारी प्राप्तिको योग छ ।