काठमाडौं । बंगलादेशले पाकिस्तानविरुद्धको टेस्ट शृंखला आफ्नो पक्षमा पारेको छ । बंगलादेशले टेस्ट शृंखलामा पहिलो पटक पाकिस्तानलाई हराएको हो ।
घरेलु टोली पाकिस्तानविरुद्ध दोस्रो तथा अन्तिम टेस्टमा ६ विकेटको जित निकाल्दै बंगलादेशले शृंखला २-० ले आफ्नो पक्षमा पर्यो । पहिलो टेस्टमा बंगलादेश १० विकेटले विजयी भएको थियो ।
पाकिस्तानले प्रस्तुत गरेको १८५ रनको लक्ष्य बंगलादेशले पाँचौं तथा अन्तिम दिन मंगलबार चार विकेट गुमाएर पूरा गयो ।
बंगलादेशले ४२-० को स्थितिबाट पाँचौं दिनको सुरुआत गरेको थियो ।
बंगालादेशका लागि जाकिर हसनले ४०, कप्तान नजमुल हसन शान्तोले ३८, मोमिनुल हकले ३४, शद्मन इस्लामले २४, मुस्फिकुर रहिमले अविजित २२ र साकिब अल हसनले अविजित २१ बनाए।
पाकिस्तानका मिर हम्जा, खुर्रम शाहजाद, अबरार अहमद र आगा सलमानले समान एक विकेट लिए ।
पाकिस्तानले दोस्रो इनिङमा १७२ रन मात्र बनाएपछि बंगलादेशले १८५ रनको सामान्य लक्ष्य प्राप्त गरेको थियो ।
दोस्रो इनिङमा लागि सलमान आगाले ४७, मोहम्मद रिजवानले ४३, कप्तान शान मक्सुदले २८, सइम अबयुले २० रन जोडे ।
त्यसअघि रावलपिन्डीमा टस हारेर ब्याटिङको निम्तो पाएको पाकिस्तानले पहिलो इनिङमा २७४ रन बनाएको थियो ।
बंगलादेश १६२ रनमै समेटिएपछि पाकिस्तानले पहिलो इनिङमा १२ रनको सामान्य अग्रता लिएको थियो ।
प्रतिक्रिया