गलकोट। भुङखानीमा पिकअप जीप दुर्घटना भएको छ।

गल्कोट नगरपालिका वडा नं २ भुङखानी अमिलपाटा सरकारी नम्बर प्लेटको पिकअप दुर्घटनामा परेको हो। रा एक झ २०० नम्बरको पिकअप दुर्घटनामा परेको स्थानीयले बताएका छन्।

घटनास्थलमा अहिलेसम्म ३ जनाको सब फेला परेको छ। एकजना पुरुष र दुई जना महिलाको शव भेटिएको छ। अरु पनि हुनसक्ने आशंका गरिएको र दुर्घटनास्थल अप्ठ्यारो ठाउँमा भएको कारण खोजी कार्य गरिरहेको स्थानीय समाजसेवी टंकबहादुर कार्कीले जानकारी दिए ।

दुर्घटनामा एकजना पुरुष गम्भीर घाइते अवस्थामा भेटिएका छन्। उनको उपचारको लागि पठाउने तयारी गरिरहेको प्रहरीले जनाएको छ।

गाडी सडकबाट करिब ४०० मिटर तल खसेको छ। दुर्घटना राति नै भएको अनुमान गरिएको छ। खरबारीमा घाँस काट्न जाने क्रममा स्थानीय प्रेम बहादुर कार्कीले देखेपछि घटना भएको स्थानीयले थाहा पाएका थिए ।