नवलपरासीको जङ्गलमा बाटो भासिएपछि पूर्व–पश्चिम राजमार्ग पूर्णरूपमा अवरुद्ध भएको छ। अविरल वर्षाका कारण बर्दघाट नगरपालिका–४ खुर्सानीखोलास्थित दाउन्ने जङ्गलमा सोमबार साँझ ५ बजेतिर सडक भासिएको हो।
सडक भासिएर पूर्व–पश्चिम राजमार्ग अवरुद्ध भएपछि सवारीसाधन प्रवेशमा रोक लगाइएको छ। सडक अनुमानित डेढ फिट भासिएको छ।
बुटवल–नारायणगढ निर्माण हुँदै गरेको सडकको ‘रिटर्निङवाल’ चर्केर विद्युतको ‘हाइटेन्स पोल’ पनि सडकमा ढलेको छ । बाटो खुलाउनका लागि सडक डिभिजन, विद्युत कार्यालय नवलपरासीले प्रयास गरिरहेको छ ।
यसैबीच सड्क भासिएर अवरुद्ध भएको पूर्व-पश्चिम राजमार्गअन्तर्गत बुटवल–नारायणगढ सड्कको मर्मत शुरू भएको छ ।
राति साढे ११ बजेदेखि मर्मत शुरू भएको सडक खुलाउन तिव्र तरमा काम भईरहेको प्रशास्स्नले जनाएको छ ।
प्रतिक्रिया