अत्तरिया : कैलालीमा मोटरसाइकल दुर्घटना हुँदा दुई जनाको मृत्यु भएको छ । काठमाडौँदेखि दशैँका लागि घर आइरहेका उनीहरूको सोमबार राति गौरीगंगा नगरपालिका १ मा मोटरसाइकल दुर्घटनामा परी मृत्यु भएको हो ।

बा ९५ प ९२५२ नम्बरको मोटरसाइकल र विपरीत दिशाबाट आउँदै गरेको से ६ प ६२७९ नम्बरको मोटरसाइकल गौरीगंगा नगरपालिका १ मा दुर्घटना हुँदा कञ्चनपुरको शुक्लाफाँटा नगरपालिकाका २६ वर्षीय चिरञ्जीवी मल्ल र कैलालीको जानकी गाउँपालिका–८ का २० वर्षीय निर्मल चौधरीको मृत्यु भएको जिल्ला प्रहरी कार्यालय कैलालीका प्रहरी नायव उपरीक्षक कवीन्द्र बोहराले बताए ।

दुबैजनाको शव धनगढीस्थित सेती प्रादेशिक अस्पतालमा राखिएको प्रनाउ बोहराले बताएका छन् ।