Pura Samachar
  • आज माघ १६ गते सहिद दिवस मनाईँदै

    प्रकाशित: ३ महिना पहिले
    पूरा समाचार

    आज माघ १६ गते सहिद दिवस मनाईँदै

    डा. डीआर उपाध्याय

     

    हाम्रो देश नेपालमा आज माघ १६ गते सहिद दिवस मनाईँदै छ । प्रत्येक वर्ष माघ १६ गते मनाइने यो सहिद दिवस देशभक्त नेपाली जनताका लागि महत्वपूर्ण दिवस हो।
    यो दिवसमा नेपाली जनताले वीर सपूत तथा सहिदहरूलाई उच्चकोटीमा राखी उनीहरुले देश र जनताप्रति गरेको वलिदानको उच्च कदर गर्दै श्रदासुमन गर्नु उनीहरुप्रतिको वास्तविक सम्मान हो ।
    जसले देश र जनताको मुक्तिको लागि हाँसी हाँसी आफ्नो वलिदानी दिन्छन् । त्यस्ता व्यक्तिलाई नै सहिद भनिन्छ । १०४ बर्षे तानाशाही राणा शासनको विरोधमा पर्दशन गर्ने युवाहरु शुक्रराज शास्त्री र धर्मभक्त माथेमा लाई फाँसी र गंगालाल श्रेष्ठ र दशरथ चन्दलाई गोली प्रहार गरेर राणा शासकले हत्या गरेका थिए ।
    Martyr's Week begins today
    देशमा राणा शासनको विरुद्धमा लडेका ज्ञात ,अज्ञात सहिदहरुको वलिदानको उच्च मुल्याङ्न गर्दै उनीहरुले देश र जनतालाई देखाएको बाटो अनुकरण गर्न माघ १६ गते हामीले सहिद दिवस मनाउँदै आएका छौँ । देश र जनताका लागि वलिदानी दिने यस्ता वीर सहिदहरु हाम्रो देशमा हजारौंको संख्यामा छन् ।
    उनीहरूले देश र नेपाली जनताका लागि आफ्नो प्राणको आहुती दिए । सहिदको बलिदानबाट प्रजातन्त्रको पुनस्थार्पना भएको हो। तर नेताहरुले मीठा भाषण गरेर मात्र सहिदहरूप्रति सच्चा श्रर्दाञ्जली हुँदैन ।
    सहिदगेटमा गएर सहिदहरूको फोटोमा माल्यार्पण गर्दैमा, सहिदहरूका नाममा एकमिनेट मौनधारणा गर्दैमा, सहिद दिवसको सम्मान हुँदैन ।वास्तविक सम्मान त तिनै सहिदका परिवार जो बिचल्लीमा परी दयनीय अवस्था गुजारिरहेका छन् तिनीहरुको उचित हेरविचार गर्नु नै सहिद दिवसको सार्थकता रहने छ । सहिदहरू सबैका साझा सम्पत्ति हुन्।
    यस्ता अमूल्य सम्पत्तिको संरक्षण गर्नु र कदर गर्नु हामी सबै नेपालीको कर्तव्य र दायित्व हो । मुलुकमा यस्ता सहिदहरूले बलिदानी नदिएको भए आज हामी नेपालीले जनअधिकार र स्वतन्त्रता पाउने थिएनौँ ।
    सहिदहरू जसले आफ्नो देशको स्वतन्त्रताका लागि आफ्नो जीवनको बलिदान दिए त्यस्ता व्यक्तिहरूलाई उच्च सम्मान गर्न आवश्यक छ । आज हामी सबै नेपालीको प्रमुख दायित्व भनेको नै सहिदहरूको सपना साकार पार्नु हो ।
    सहिदहरूको रगतले लेखिएको हाम्रो गौरवमय इतिहासलाई हामी कसैले भुल्नु हुँदैन ।

    प्रतिक्रिया