Pura Samachar
  • संसदीय व्यवस्थाको विडम्वना-डा.डीआर उपाध्याय

    प्रकाशित: ३ महिना पहिले

    संसदीय व्यवस्थाको विडम्वना-डा.डीआर उपाध्याय

    पछिल्लो राजनीतिक घटनाक्रमले देश जटिल मोडतिर धकेलिएको छ ।

    यो चिन्ताको विषय हो ।

    केही समयदेखि मुलुक आर्थिक, राजनैतिक र संवैधानिक संकटमा छ ।

    राजनैतिक परिवर्तनपछि पटक पटक नेताहरूले जनतालाई भर्याङ बनाएर सत्तामा जाने गरेका छन् ।

    सत्तामा गएपछि सबै कुरा बिर्सने परम्परागत संस्कृतिको विकास भएको छ ।

    यसले गर्दा पनि आम नागरिक दलप्रति असन्तुष्ट छन् ।

    यसो हुनुमा दलहरु नै दोषी छन् ।

    केपी शर्मा ओली खेमाको नेकपाले चुनावी सभा गर्दै हिंडेको छ ।

    चुनाव हुन्छ अथवा हुँदैन, त्यो भने भन्न सकिने अवस्था छैन ।

    देश कोरोनाको कारण उत्पन्न समस्याले झेलिँदै गएको छ ।

    गरिखाने वर्ग झन् पछि झन गरिवीमा धकेलिँदै छन् ।

    यस्तो बेलामा निर्वाचन गर्न खोजेर देशलाई आर्थिक संकटमा पार्न खोजिँदै छ ।

    बजार अनियन्त्रित भइरहेका बेला बेमौसमको चुनावले आउँदा दिनको बजार कहाँ पुग्ला रु

    यो नै गम्भिर विषय हो ।

    पैसा बिना चुनावमा उम्मेदार बन्न पनि सकस परिरहेको अवस्था छ ।

    जो सँग पैसा छ, उसैको हातमा टिकट थमाइदिने लामो समयदेखिको राजनैतिक प्रवृति अझै पनि कायम छ ।

    पैसा नहुनेले झट्ट टिकट नै पाउँदैनन् यदि टिकट पाइहाले पनि जित्ने संम्भावना अत्यन्त न्यून हुन्छ ।

    संसदीय व्यवस्थामा चुनाव महँगो बन्दै गएको छ ।

    विगतमा आफ्नो पार्टी र देशको निम्ती त्याग तपस्या गरेका विभिन्न पार्टीका नेताहरु पैसाको अभावले चुनावमा उठ्ने आँट गर्दैनन् ।

    यस्तो छ संसदीय व्यवस्थाको विडम्वना ।

    जबसम्म राजनीतिलाई समाजसेवाका रुपमा हेरिंदैन, तबसम्म यस्ता समस्याहरु बारम्बार दोहोरिरहन्छन् ।

    देशलाई संकटबाट बचाउँन देशभक्त नेपाली आफैं जाग्नु पर्छ ।

    देशको भविष्य सुधार्न सबै पक्ष इमान्दारीका साथ लाग्नु पर्छ ।

    देशमा अधिनायकवाद वा त्यस्तै कुनै पनि तानाशाह टिक्न सक्दैनन् ।

    कसैले त्यस्तो सोचेको छ भने त्यो केवल दिवा सपना मात्र हो ।

    लोकतन्त्रको विकल्प लोकतन्त्रै हो ।

    यहाँ अरु कुनै विकल्प छैन ।

    स्पष्ट खाका र मार्गदर्शन दिन नसक्ने कुनै नेताको काम छैन ।

    अब देशलाई क्षमतावान नेताको आवश्यकता परेको छ ।

    अब अल्मलिने बेला छैन ।

    देशलाई माथि उठाउँन सक्ने सक्षम र योग्य नेताको जरुरी छ ।

    अब देश हाँक्ने राजनीतिक दल र तिनका नेताहरुको इमान्दारीताको खाँचो छ ।

    नेकपालाई दुईतिहाइको बहुमत नपचेर संसद विघटन गर्यो ।

    जसको कारणले देशमा धेरै समस्याहरु उत्पन्न भएका छन् ।

    वर्तमान समयमा उत्पन्न राजनैतिक र संवैधानिक संकट समाधान गरी छिटो निकास खोजिनु पर्छ ।

    प्रतिक्रिया