Pura Samachar
  • राष्ट्रिय मुद्दामा दलहरू मिलेर जानु पर्छ

    प्रकाशित: ३ हप्ता पहिले

    राष्ट्रिय मुद्दामा दलहरू मिलेर जानु पर्छ

    – डा.डीआर उपाध्याय

    काठमाडौं– अहिले मुलुकको राजनीति अवस्था जटिल छ ।

    दलहरु एक–आपसमा मिल्न सकेका छैनन् ।

    नेपाली जनताको चाहना भनेको दलहरु मिलेर देशको विकास गरे हुन्थ्यो भन्ने हो ।

    दृष्टिकोण

    तर दलहरु मिलेर जाने कुरामा त्यति ध्यान दिन सकेका छैनन् ।

    दल र तिनका नेताहरुमा व्यक्तिगत स्वार्थ छ ।

    उनीहरुले व्यक्तिगत स्वार्थलाई त्याग्नु पर्छ, अनि मात्र देशको भाग्य र भविश्य निर्माण हुन सक्छ ।

    अहिले राजनीतिक दलहरु जुन किसिमले ध्रविविकरण भएका छन्, त्यसले मुलुकलाई अघि बढाउन सक्दैन ।

    देश विकासका लागि दलहरु साझा एजेन्डा लिएर अघि बढ्दा मात्र राम्रो हुन्छ ।

    राष्ट्रिय हितका लागि सबै मिलेर जानु पर्छ ।

    राष्ट्रियता बचाउने सवालमा कुनै पनि किसिमका सम्झौता हुनु हुँदैन ।

    नेताहरु व्यक्तिगत स्वार्थ त्यागेर देश र जनताको पक्षमा लाग्नु पर्छ ।

    नेताहरु स्वार्थी भए ।

    जसले गर्दा देशको भविष्य पछाडि धकेलियो ।

    देश बनाउन ढृढ इच्छाशक्ति चाहिन्छ ।

    नेताहरुमा ढृढ इच्छा शक्ति भएको देखिएन ।

    मुलुकको भाग्य र भविश्य निर्माणका लागि सबै पक्ष एक हुनु पर्ने आवश्यकता देखिएको छ ।

    धेरै पहिलेदेखि सत्तारुढ दल नेकपा एमालेभित्र आन्तरिक खिचलो देखिएको छ ।

    समान्तरण पार्टी कमिटी तल्लो तहसम्म गठन भएका छन् ।

    यसले नेकपा एमालेलाई अन्ततः कमजोर बनाएको छ ।

    राष्ट्रिय हितको पक्षमा काम गर्नु पर्ने बेलामा नेताहरु फुट्नु भनेको जनमतको अपमान हो ।

    नेपाली जनता यी दलहरुको विश्वास र भरोसामा छन् ।

    तर दलहरुले जनतालाई विश्वासघात गर्दै आएका छन् ।

    चुनावमा बोलेका वाचाहरु अझैसम्म कुनै दल र तिनका नेताहरुले पुरा गरेका छैनन् ।

    यस्तो भएपछि जनतामा निराशा आउँदैन रु

    यद्यपि, पछिल्लो समय राजनीतिक दलबीच देखिएको खिचातानीले गम्भिर प्रश्न उठाएको छ ।

    यदि राष्ट्रिय स्वार्थको विषय छ भने त्यसमा धक्का लाग्नु हुद्मदैन ।

    लामो समयसम्म वहसको बिषय बनेको एमसीसीमा सम्झौता गर्ने/नगर्ने विषयले अझै पनि चर्चा पाएको छ ।

    एमसीसीमा सम्झौता गर्नु हुँदैन भन्ने पक्ष पनि धेरै नै छन् ।

    यो सम्झौता राष्ट्रिय हित विपरित छ भन्नेहरु पनि छन् ।

    यो विषयले विगतमा लामै वहस सिर्जना गर्यो ।

    अहिले पनि सबै एकमत भएको देखिँदैन ।

    यो विषय संसदमा लामै समयदेखि विचाराधीन छ ।

    प्रधानमन्त्री केपी शर्मा ओलीले यही विषयबारे छलफल गर्न शनिबार बालुवाटारमा सर्वदलीय बैठक बोलाउनु भएको थियो ।

    संसदमा प्रतिनिधित्व गरेका दलहरू उक्त सर्वदलीय बैठकमा सहभागी भएका थिए ।

    प्रधानमन्त्री केपी शर्मा ओलीले लामो समयदेखि विचाराधीन एमसीसी सम्झौतालाई पास गर्न सकारात्मक भूमिका निर्वाह गर्न दलहरुलाई आह्वान गरेको कुरा बाहिर आएको छ ।

    केही समयअघि राष्ट्रपति विद्यादेवी भण्डारीले मुलुकमा राजनीतिक जटिलता गहिरिँदै जाँदा सबै राजनीतिक दलहरुलाई सर्वदलीय बैठक डाकेर सहमतीय प्रणालीमा आउन जोड दिनु भएको थियो ।

    उक्त बैठकले राजनीतिक दलबीचको तिक्तताको वातावरण सहज हुने अपेक्षा गरिएको थियो, तर महिना दिन बित्दा पनि त्यसो हुन सकेको छैन ।

    मुलुकको अभिभावकका हिसाबले सबैलाई सहमतिमा ल्याएर राष्ट्रिय एजेन्डामा एक भई अघि बढ्नु भनेर पहल गर्नु पक्कै सकारात्मक कदम हो ।

    राष्ट्रिय मुद्दामा दलहरू मिलेर जानु पर्छ ।

    त्यसमा नागरिकको पनि साथ हुन्छ ।

    मुलुकमा राजनीतिक अस्थिरता निम्तिने गतिविधि हुनु हुँदैन ।

    त्यसले मुलुकलाई पछाडि धकेल्छ ।

    मुलुकको समग्र विकासमा सबै एकजुट भएर जानु पर्छ भन्ने मेरो मान्यता हो ।

    तर,अहिले त्यसो हुन सकिरहेको छैन ।

    दलबीचको स्वार्थ, अहं र महत्त्वाकांक्षाले विकासको गतिलाई पछाडि धकेलिरहेको देखिन्छ ।

    प्रमुख दलका नेता मुलुकको विकासमा एकमत हुन नसक्नु दुखद कुरा हो ।

    बैशाख ६

    प्रतिक्रिया